- Къонагъынгы артмагъын алма да, алгъышын ал.
- Иги сеники эсе да, сюйген кесимикин этеме.
- Байдан умут эте, джарлыдан ёгюз багъасы къорады.
- Ким бла джюрюсенг, аны кёзю бла кёрюнюрсе.
- Эл ауузу – элия.
- Уясында не кёрсе, учханында аны этер.
- Кесинг сынамагъан затны, адамгъа буюрма.
- Къарт бла баш аша, джаш бла аякъ аша.
- Керек ташны ауурлугъу джокъ.
- Берекет берсин деген джерде, берекет болур.
- Бек анасы джыламаз.
- Ётюрюк хапар аякъ тюбю бла джюрюйдю.
- Къарнынг къанлынга кийирир.
- Джаз бир кюнню джатсанг, къыш талай кюнню абынырса.
- Къайгъыны сюйген, къайгъы табар.
- Онгсузну – джакъла, тенгликни – сакъла.
- Ёмюрлюк шохлукъну джел элтмез.
- Акъдан къара болмаз.
- Хантына кёре тузу, юйюне кёре къызы.
- Айранын берсенг, челегин да къызгъанма.
- Шекер бла туз – бир болмаз, ушамагъан – юй болмаз.
- Нафысынгы айтханын этме, намысынгы айтханын эт.
- Чалманны аллы къалай башланса, арты да алай барады.
- Къобан да къуру да къобханлай турмайды, адам да къуру да патчахлай турмайды.
- Насыб бютеу халкъны юлюшюдю.
- Намыс сатылыб алынмайды.
- Аманны тукъумуна къарама, игини тукъумун сорма.
- Эркишини аманы тиширыуну джылатыр.
- Экеу тутушса, биреу джыгъылыр.
- Бал ашаргъа сюе эсенг, чибин ургъаннга тёз.
- Ат да турмайды бир териде.
- Айырылмаз джууугъунга, унутмаз сёзню айтма.
- Ашарыкъда сайлагъаннга – чий гырджын.
- Чомарт къолда мал къалмаз.
- Къарнынг тойгъунчу аша да, белинг талгъынчы ишле.
- Эм ашхы къайын ана мамукъ бла башынгы тешер.
- Тюзлюк шохлукъну бегитир.
- Бети къызарыучу адамны, джюреги харам болмаз.
- Джырчы джырчыгъа – къарнаш.
- Къазанчы аман болса, къазаны къайнамаз.
- Сангырау къулакъ эл бузар.
- Чомарт къонакъ юй иесин сыйлар.
- Къарны аманнга къазан такъдырма, къолу аманнга от джакъдырма.
- Чомарт джарлы болмаз.
- Ашхы атаны – джашы ашхы, ашхы ананы – къызы ашхы.
- Сабий кёргенин унутмаз.
- Байлыкъ болгъан джерде, тынчлыкъ джокъду.
- Гырджын – тепсини тамадасы.
- Кюлме джашха – келир башха.
- Нёгерсизни джолу узун.
УМАРОВ РОБЕРТ Усть-ДЖегута, Эльтаркъач ...къайда тасты бу ??
29.05.2008 23:21:40
джангыз андан къалгъанла табылгъандыла ... уехал учиться в Казахстан и пропал ...
|
|
|
|
30.05.2008 12:00:41
[b:8e4c4841c2]MOZG.SPB[/b:8e4c4841c2], хех...ты думаешь...Роберт сюда заходит?))))Алийден соруб къойсанг а...))аны хапары болур...)))
|
|
|
|
09.06.2008 02:06:22
[b:dd93cc4d3b]аааа[/b:dd93cc4d3b], джокъду ...бек эрдтеден бери тауушу чыкъмайды ... роберт а уа келлик тюлдю. аны таныгъан ким болсада чыгъыб къалмаса только ансы ...
|
|
|
|
11.06.2008 15:57:53
[b:1ba822d9ca]MOZG.SPB[/b:1ba822d9ca], а с ним кто-то учился...и карачаевцев или балкарцев?
|
|
|
|
29.06.2008 22:33:27
[b:e04ebe6755]MOZG.SPB[/b:e04ebe6755], да я помню..и Расула...))общагда тургъан эди...таб мени комнамда огъуна джашагъан заманчыгъы бар эди....
|
||||
|
|
|||
Читают тему (гостей: 1)