- Онгсузну – джакъла, тенгликни – сакъла.
- Ачыкъ джюрекге джол – ачыкъ.
- Чомартха хар кюн да байрамды.
- Дууулдаса – бал чибин, къонса – къара чибин.
- Биреуню тёрюнден, кесинги эшик артынг игиди.
- Уруну арты – къуру.
- Таугъа чыгъаллыкъ эсенг, тюзде къалма.
- Ашын ашагъанынгы, башын да сыйла.
- Чакъырылмагъан къонакъ – орунсуз.
- Къарт айтханны этмеген, къартаймаз.
- Эшекге миннген – биринчи айыб, андан джыгъылгъан – экинчи айыб.
- Келинин тута билмеген, къул этер, къызын тута билмеген, тул этер.
- Арбаз сайлама да, хоншу сайла.
- Арпа, будай – ащды, алтын, кюмюш а – ташды.
- Хазыр ашха – терен къашыкъ.
- Джыгъылгъанны сырты джерден тоймаз.
- Адам боллукъ, атламындан белгили болур.
- Къыйынлы джети элни къайгъысын этер.
- Аманны эки битли тону болур, бирин сеннге кийдирир, бирин кеси киер.
- Тойгъан антын унутур.
- Чыкълы кюнде чыкъмагъан, чыкъса къуру кирмеген.
- Ашыкъгъанны этеги бутуна чырмалыр.
- Уллу сёзде уят джокъ.
- Джаралыны джастыгъында сау ёлюр.
- Къарын къуру болса, джюрек уру болур.
- Ата джурт – алтын бешик.
- Сабийни джумушха джибер да, ызындан бар.
- Джангызны оту джарыкъ джанмаз!
- Биреуге аманлыкъ этиб, кесинге игилик табмазса.
- Миллетни бойну – базыкъ, аны бла кюрешген – джазыкъ.
- Айтхан сёзюне табылгъан.
- Нафысынгы айтханын этме, намысынгы айтханын эт.
- Кёзню ачылгъаны – иги, ауузну джабылгъаны – иги.
- Ашаса, ашамаса да, бёрюню ауузу – къан.
- Бичгенде ашыкъма, тикгенде ашыкъ.
- Окъуусуз билим – джокъ, билимсиз кюнюнг – джокъ.
- Билим ат болуб да чабар, къуш болуб да учар.
- Эте билген, этген этеди, эте билмеген, юретген этеди!
- Ханнга да келеди хариблик.
- Эринчекни аурууу – кёб.
- Аман адам элни бир-бирине джау этер.
- Тулпарлыкъ, билекден тюл – джюрекден.
- Урунуу – насыбны анасы.
- Тилчи бир сагъатха айлыкъ хата этер.
- Бойнуму джети джерден кессенг да, мен ол ишни этеллик тюлме.
- Адам сёзге тынгыла, акъыл сёзню ангыла.
- Къазанчы аман болса, къазаны къайнамаз.
- Къарнынг ауруса, ауузунгу тый
- Чакъырылмагъан къонакъ къачан кетерин сормаз.
- Эшекни не къадар тюйсенг да, ат болмаз.