- Ашлыкъны арба юйге келтирир, чана базаргъа элтир.
- Къая джолда джортма, ачыкъ сёзден къоркъма.
- Таула не мийик болсала да, аууш табылыр.
- Рысхы джалгъанды: келген да этер, кетген да этер.
- Тюз сёз баргъан сууну тыяр.
- Сёз – кюмюш, джыр – алтын.
- Халкъны джырын джырласанг, халкъ санга эжиу этер.
- Ишин билген, аны сыйын чыгъарады.
- Къыйынлы джети элге оноу этер.
- Билмейме деген – бир сёз
- Шайтан алдады, тюзлюк къаргъады.
- Чарсда алчыны эл кёреди.
- Къозулугъунда тоймагъан, къойлугъунда тоймаз.
- Ётюрюкчюню шагъаты – къатында.
- Байлыкъдан саулукъ ашхыды.
- Къыз чыгъаргъан – къызыл къымжа.
- Ач да бол, токъ да бол – намысынга бек бол.
- Мадар болса, къадар болур.
- Айтхан – тынч, этген – къыйын.
- Ётюрюкден тюбю джокъ, кёлтюрюрге джиби джокъ.
- Юйлю уругъа ит чабмаз.
- Джангызны оту джарыкъ джанмаз!
- Эркишини аманы тиширыуну джылатыр.
- Намысы джокъну – дуниясы джокъ.
- Садакъачыны джаны – къапчыгъында.
- Ашатыргъа иш – ашхы, ишлетирге аш – ашхы.
- Джашынгы кесинг юретмесенг, джашау юретир.
- Тюкюрюк баш джармаз, налат кёз чыгъармаз!
- Киштикге къанат битсе, чыпчыкъ къалмаз эди.
- Айтылгъан буйрукъ, сёгюлмез
- Ариу сёзде ауруу джокъ.
- Суу да къайтады чыкъгъан джерине.
- Тилчиден кери бол.
- Баш болса, бёрк табылыр.
- Тулпарлыкъ, билекден тюл – джюрекден.
- Ауузу аманнга «иги», деме.
- Адамны адамлыгъы къыйынлыкъда айгъакъланады.
- Келгинчи, къонакъ уялыр, келгенден сора, къонакъбай уялыр.
- Джюрекден джюрекге джол барды.
- Къонакъ кёб келюучю юйню, къазаны отдан тюшмез.
- Уллу айтханны этмеген – уллаймаз.
- Ана къолу ачытмаз.
- Илму – джашауну джолу.
- Эте билген, этген этеди, эте билмеген, юретген этеди!
- Айтханы чапыракъдан ётмеген.
- Къанны къан бла джуума, аманны аман бла къуума.
- Этни да ашады, бетни да ашады.
- Телиге от эт десенг, юйюнге от салыр.
- Таукел адам тау тешер.
- Ойнай билмеген, оюн бузар.
Кабардино-Балкарская Государственная сельскохоз академия!
|
Кабардино-Балкарская Государственная сельскохоз академия!
Что к чему и почему.
|
|
|
|
|
Читают тему (гостей: 1)