- Тилде сюек болмаса да, сюек сындырыр.
- Джумушакъ терекни къурт ашар.
- Къарт бла баш аша, джаш бла аякъ аша.
- Джигер – джаннга къыйынлыкъ.
- Эртде тургъан джылкъычыны эркек аты тай табар.
- Мадар болса, къадар болур.
- Эринчекни аурууу – кёб.
- Элиб деген, элге болушур.
- Ата – баланы уясы.
- Бет бетге къараса, бет да джерге къарар.
- Ёмюрлюк шохлукъну джел элтмез.
- Къайтырыкъ эшигинги, къаты уруб чыкъма.
- Аман эсирсе, юйюн ояр.
- Ёзденликни кёбю ётюрюк.
- Чакъырылмагъан къонакъ – орунсуз.
- Малны кют, джерни тюрт.
- Нарт сёз – тилни бети.
- Ётюрюкден тюбю джокъ, кёлтюрюрге джиби джокъ.
- Аууз сакълагъан – джан сакълар.
- Къулакъдан эсе, кёзге ышан.
- «Ма», - дегенни билмесенг, «бер», - дегенни билмезсе.
- Адамны аты башхача, акъылы да башхады.
- Эки итни арасына сюек атма, эки адамны арасында сёз чыгъарма.
- Чомарт бергенин айтмаз.
- Джашлыкъ этмеген, башлыкъ этмез.
- Къызгъанчдан ычхыныр, мухардан ычхынмаз.
- Окъдан джара эртде-кеч болса да бителир, сёз джара, ёмюрге къалыр.
- Урунуу – насыбны анасы.
- Адеб этмеген, адеб кёрмез.
- Мураты болгъанны джюрек тебюую башхады.
- Тюзлюк тас болмайды.
- Эрине къаргъыш этген къатын, эрнин къабар.
- Джаз бир кюнню джатсанг, къыш талай кюнню абынырса.
- Ашда уялгъан – мухар, ишде уялгъан – хомух.
- Биреуге аманлыкъны тилеме да, кесинге ашхылыкъны тиле.
- Кёзден кетген, кёлден да кетеди.
- Ургъан суудан башынгы сакъла.
- Аман хансны – урлугъу кёб.
- Аурууну келиую тынч, кетиую – къыйын.
- Ойнай-ойнай кёз чыгъар.
- Билгенни къолу къарны джандырыр.
- Ышармагъан – кюлмез, кюлмеген – къууанчны билмез.
- Чомарт джарлы болмаз.
- Къанны къан бла джуума, аманны аман бла къуума.
- Ана – юйню кюн джарыгъы.
- Джарлыны тону джаз битер.
- Намысы болмагъанны, сыйы болмаз.
- Халкъны джырын джырласанг, халкъ санга эжиу этер.
- Джылыгъа джылан илешир.
- Тешик этген тынчды, аны джамагъан къыйынды.
Кабардино-Балкарская Государственная сельскохоз академия!
12.06.2005 19:36:30
Кабардино-Балкарская Государственная сельскохоз академия!
Что к чему и почему.
|
|
|
|
Читают тему (гостей: 1)