- Тойну къарнашы – харс, джырны къарнашы – эжиу.
- Окъугъан – асыу, окъумагъан – джарсыу.
- Кёб къычыргъандан – къоркъма, тынч олтургъандан – къоркъ.
- Къошда джокъгъа – юлюш джокъ.
- Иши джокъну, сыйы джокъ.
- Садакъачыны джаны – къапчыгъында.
- Хар адамгъа кеси миннген тау кибик.
- Ариу – кёзге, акъыл – джюрекге.
- Берекет берсин деген джерде, берекет болур.
- Уллу атлама – абынырса, уллу къабма – къарылырса.
- Чомарт джарлы болмаз.
- Дуния аламаты сен эсенг да, игиме деб айтма.
- Ашда уялгъан – мухар, ишде уялгъан – хомух.
- Бетинги сатма, малынгы сат.
- Ашхы – джыяр, аман – джояр.
- Адамны сабийин сюйген джюреги, бычакъча, джитиди.
- Къызын тута билмеген, тул этер, джашын тута билмеген, къул этер.
- Алтыннга тот къонмаз.
- Иги – алгъыш этер, аман – къаргъыш этер.
- Чомартны къолу берекет.
- Бети бедерден, намыс сакълама.
- Кёл – къызбай, къол – батыр.
- Эри аманны, къатыны – аман.
- Байлыкъ болгъан джерде, тынчлыкъ джокъду.
- Къонакъ болсанг, ийнакъ бол.
- Иги адамны бир сёзю эки болмаз.
- Шапа кёб болса, аш татымсыз болур.
- Джол бла сёзню къыйыры джокъ.
- Джыгъылгъанны сырты джерден тоймаз.
- Адам сёзге тынгыла, акъыл сёзню ангыла.
- Келлик заман – къартлыкъ келтирир, кетген заман – джашлыкъ ёлтюрюр.
- Накъырда – кертини келечиси.
- Эркишиге тары кебек танг кёрюнюр.
- Джангызны оту джарыкъ джанмаз!
- Миллетни бойну – базыкъ, аны бла кюрешген – джазыкъ.
- Тешигини къатында, чычхан да батыр болур.
- «Ма», - дегенни билмесенг, «бер», - дегенни билмезсе.
- Тас болгъан бычакъны сабы – алтын.
- Ашда – бёрю, ишде – ёлю.
- Ауузу аманнга «иги», деме.
- Джерни букъусу кёкге къонмаз.
- Кюн – узун, ёмюр – къысха.
- Джашынгы кесинг юретмесенг, джашау юретир.
- Кёб ант этген, кёб ётюрюк айтыр.
- Къан бла кирген, джан бла чыгъар.
- Къарын къуру болса, джюрек уру болур.
- Тау башында, тау болмаз, джангыз терек, бау болмаз.
- Къалгъан ишге къар джауар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Иги сеники эсе да, сюйген кесимикин этеме.
Внимание!!!Срочно!!!Сдаю комнату в Москве!
Читают тему (гостей: 1)