- Урунуу – насыбны анасы.
- Ойнай билмеген, уруб къачар.
- Дженгил джетерикме деб, узун джолну къоюб, къысхасын барма.
- Татлы сёз – балдан татлы.
- Къатыны харакетли болса, эри къымсыз болур.
- Тил бла келеди джыр да.
- Кёб къычыргъандан – къоркъма, тынч олтургъандан – къоркъ.
- Окъугъан – асыу, окъумагъан – джарсыу.
- Ана – юйню кюн джарыгъы.
- Халкъны джырын джырласанг, халкъ санга эжиу этер.
- Ашхы – джыяр, аман – джояр.
- Рысхы – насыбха къор.
- Ишленмеклик адамлыкъды.
- Бети – къучакълар, джюреги – бычакълар.
- Ач бёрюге мекям джокъ.
- Джаз бир кюнню джатсанг, къыш талай кюнню абынырса.
- Джырчы ёлсе, джыры къалыр.
- Мухар, кеси тойса да, кёзю тоймаз.
- Кёлю джокъну – джолу джокъ.
- Бир абыннган – минг сюрюнюр.
- Айырылмаз джууугъунга, унутмаз сёзню айтма.
- Эрине къаргъыш этген къатын, эрнин къабар.
- Хаухну атма, ёнгкючню сатма.
- Ашхы тенг джолгъа салыр, аман тенг джолдан тайдырыр.
- Тюз сёз баргъан сууну тыяр.
- Келгинчи, къонакъ уялыр, келгенден сора, къонакъбай уялыр.
- Накъырданы арты керти болур.
- Иги болса, тамадама – махтау, аман болса, меннге – айыб.
- Битмегеннге сакъал – танг.
- Чомартны къолун джокълукъ байлар.
- Окъ къызбайны джокълайды.
- Ишленмеген джаш – джюгенсиз ат, ишленмеген къыз – тузсуз хант.
- Аманны эки битли тону болур, бирин сеннге кийдирир, бирин кеси киер.
- Уллу сёзде уят джокъ.
- Кёпюр салгъан кеси ётер, уру къазгъан кеси кетер.
- Джаш къарыу бла кючлю, къарт акъыл бла кючлю.
- Намысы джокъну – дуниясы джокъ.
- Тенги кёбню джау алмаз, акъылы кёбню дау алмаз.
- Орундукъ тюбюнде атылсам да, орта джиликме, де да айлан.
- Мухарны эси – ашарыкъда.
- Къууут – джелге, берне – бошха.
- «Ма», - дегенни билмесенг, «бер», - дегенни билмезсе.
- Эркиши – от, тиширыу – суу.
- Тау башында, тау болмаз, джангыз терек, бау болмаз.
- Аллахдан тилесенг, кёб тиле.
- Айранны сюйген, ийнек тутар.
- Махтаннган къыз, тойда джукълар.
- Эл ауузу – элия.
- Дуния мал дунияда къалады.
- Сабийликде юретмесенг, уллу болса – тюзелмез.
