- Уллу къазанда бишген эт, чий къалмаз.
- Ашатыргъа иш – ашхы, ишлетирге аш – ашхы.
- Келинин тута билмеген, къул этер, къызын тута билмеген, тул этер.
- Ашарыкъда сайлагъаннга – чий гырджын.
- Джан саулукъ бермей, сан саулукъ бермезсе.
- Экеулен сёлеше тура эселе, орталарына барыб кирме.
- Ишин билген, аны сыйын чыгъарады.
- Аманнга алтын чыдамаз.
- Сёз къанатсыз учар.
- Ёпкелегенни ашы татлы болады.
- Ат басханны джер билед.
- Хунаны тюбюн къазсанг, юсюнге ауар.
- Бёрю да ач къалмасын, эчки да ашалмасын.
- Тюзлюк тас болмайды.
- Бермеген къол, алмайды.
- Баргъанынга кёре болур келгенинг.
- Джангыз терек къынгыр ёсер.
- Акъыллы – эл иеси, тели – эл баласы.
- Бет бетге къараса, бет да джерге къарар.
- Къарнынг ауруса, ауузунгу тый
- Къалгъан ишге къар джауар.
- Къызгъанчдан ычхыныр, мухардан ычхынмаз.
- Уллу атлама – абынырса, уллу къабма – къарылырса.
- Джети тилни билген джети кишиди.
- Ариу – кёзге, акъыл – джюрекге.
- Нарт сёз – тилни бети.
- Къонагъы джокъну – шоху джокъ.
- Тойгъан антын унутур.
- Иги джашны ышаны – аз сёлешиб, кёб тынгылар.
- Дуния аламаты сен эсенг да, игиме деб айтма.
- Халкъны юйю – туугъан джери.
- Кёл ашады да, кеси ашады.
- Айранны сюйген, ийнек тутар.
- Ашда уялгъан – мухар, ишде уялгъан – хомух.
- Тёгюлген тюгел джыйылмайды.
- Окъумагъан сокъурду, сокъур ташха абыныр!
- Атлыны кёрсе, джаяуну буту талыр.
- Биреуню эскиси биреуге джангы болмайды.
- Суу кетер, таш къалыр.
- Суугъа – таянма, джаугъа – ийнанма.
- Кёрмегеннге кебек – танг, битмегеннге сакъал – танг.
- Эм уллу байлыкъ – джан саулукъ.
- Чакъырылмай келген къонакъ сыйланмай кетер.
- Игиге айтсанг – билир, аманнга айтсанг – кюлюр.
- Телини эшигин, махтау джабар.
- Акъыл аздырмаз, билим тоздурмаз.
- Байлыкъ келсе, акъыл кетер.
- Башланнган иш битер, къымылдагъан тиш тюшер.
- Бети – къучакълар, джюреги – бычакълар.
- Тил – миллетни джаны.
смысловой перевод Корана
06.07.2008 13:04:54
|
||||
|
|
|||
Читают тему (гостей: 1)