- Къулакъдан эсе, кёзге ышан.
- Ариу сёз джыланны орнундан чыгъарыр.
- Кёл – къызбай, къол – батыр.
- Кюн кёрмеген, кюн кёрсе, кюндюз чыракъ джандырыр.
- Халкъгъа джарагъан, джарлы къалмаз.
- Ёлген эшек бёрюден къоркъмайды.
- Минг тенг да азды, бир джау да кёбдю.
- Джангызны оту джарыкъ джанмаз!
- Атлыны ашхысы, ат тизгининден билинир
- Хоншуну тауугъу къаз кёрюнюр, келини къыз кёрюнюр.
- Къарнынг къанлынга кийирир.
- Кёбню кёрген – кёб билир.
- Аякъларынгы джууургъанынга кёре узат.
- Къолу уллу – асыу, аягъы уллу – джарсыу.
- Акъыл къартда, джашда тюйюлдю – башдады.
- Бир онгсуз адам адет чыгъарды, деб эштирик тюлсе.
- Айранын берсенг, челегин да къызгъанма.
- Ойнай-ойнай кёз чыгъар.
- Къатын къылыкъсыз, эр тынчлыкъсыз.
- Экиндини кеч къылсанг, чабыб джетер ашхам.
- Ачны эсинде – аш.
- Кюн – узун, ёмюр – къысха.
- Адамгъа аман кюн соруб келмейди.
- Ачлыкъ отха секиртир.
- Рысхы – насыбха къор.
- Аууздан келген, къолдан келсе, ким да патчах болур эди.
- Келинни – келгинчи, бёркню кийгинчи кёр.
- Элиб деген, элге болушур.
- Термилгенинги табмазса, кюлгенинге тюберсе.
- Садакъачыны джаны – къапчыгъында.
- Эл ауузу – элек, анга ийнаннган – халек.
- Къонагъы джокъну – шоху джокъ.
- Баланы адам этген анады.
- Ачыу алгъа келсе, акъыл артха къалады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишлерге уял да, ашаргъа табма.
- Биреуге аманлыкъ этиб, кесинге игилик табмазса.
- Акъылсызны джууукъгъа алма, акъыллыны кенгнге салма.
- Кёрмегеннге кебек – танг, битмегеннге сакъал – танг.
- Чабакъсыз кёлге къармакъ салгъанлыкъгъа, чабакъ тутмазса.
- Джолунга кёре – джюрюшюнг, джагъанга кёре – юлюшюнг.
- Ишленмеклик адамлыкъды.
- Юйюнг бла джау болгъандан эсе, элинг бла джау бол.
- Телиге акъыл салгъандан эсе, ёлгеннге джан салырса.
- Чомарт къонакъ юй иесин сыйлар.
- Сакъалы текени да бар, мыйыгъы киштикни да бар.
- Эркиши – от, тиширыу – суу.
- Тай асырагъан, атха минер.
- Шапа кёб болса, аш татымсыз болур.
- Къазанны башы ачыкъ болса, итге уят керекди.
