- Тойгъан джерден туугъан джер игиди.
- Аш иеси бла татлыды.
- Ашыкъгъан cуу, тенгизге джетмез.
- Таугъа чыгъаллыкъ эсенг, тюзде къалма.
- Ат да турмайды бир териде.
- Магъанасыз сёз – тауушсуз сыбызгъы.
- Малны кют, джерни тюрт.
- Ханнга да келеди хариблик.
- Ётген ёмюр – акъгъан суу.
- Юре билмеген ит, къонакъ келтирир.
- Ёнгкюч къууана барыр, джылай келир.
- Адам сёзге тынгыла, акъыл сёзню ангыла.
- Къонагъы джокъну – шоху джокъ.
- Джумушакъ сёз къаты таякъны сындырыр.
- Зарда марда джокъ.
- Адеб базарда сатылмаз.
- Къонакъ аман болса, къонакъбай джунчур
- Джарлы эскисин джамаса, къууаныр.
- Къыз тиширыу кеси юйюнде да къонакъды.
- Татлы тилде – сёз ариу, чемер къолда – иш ариу.
- Джангыз терек къынгыр ёсер.
- Чабар ат – джетген къыз.
- Сакъ юйюне сау барыр.
- Биреу ашаб къутулур, биреу джалаб тутулур.
- Ёксюзню къалачы уллу кёрюнюр.
- Нарт сёз къарт болмаз.
- Дууулдаса – бал чибин, къонса – къара чибин.
- Сёз сёзню айтдырыр.
- Кийимни бичсенг, кенг бич, тар этген къыйын тюлдю.
- Этни бети бла шорпасы.
- Тик ёргени, тик энгишгеси да болады.
- Акъыл бла адеб эгизледиле.
- Эл тойса, тоймагъан, эл къойса, къоймагъан.
- Айныгъанлы алты кюн, тогъайгъанлы тогъуз кюн.
- Юйлю уругъа ит чабмаз.
- Тёгюлген тюгел джыйылмайды.
- Иши джокъну, сыйы джокъ.
- Ишлемеген – тишлемез.
- Бал чибинни ургъаны – ачы, балы – татлы.
- Башсыз урчукъ тюзюне айланмаз.
- Ёзденликни кёбю ётюрюк.
- Аллахдан тилесенг, кёб тиле.
- Чомарт къонакъ юй иесин сыйлар.
- Тюзлюк шохлукъну бегитир.
- Ашхы сёз таш тешер.
- Ариу сёзде ауруу джокъ.
- Аджалсыз ёлюм болмаз.
- Хаухну атма, ёнгкючню сатма.
- Къонакъ хазыр болгъанлыкъгъа, къонакъбай хазыр тюлдю.
- Туз, гырджын аша, тюзлюк бла джаша.