Войти на сайт
23 Октября  2018 года

 

  • Ариу – кёзге, акъыл – джюрекге.
  • Джаным-тиним – окъуу, билим.
  • Бети къызарыучу адамны, джюреги харам болмаз.
  • Ачны эсинде – аш.
  • Дженгил джетерикме деб, узун джолну къоюб, къысхасын барма.
  • Татлы сёз – балдан татлы.
  • Окъуусуз билим – джокъ, билимсиз кюнюнг – джокъ.
  • От кюйдюрген, сау болса да, тот кюйдюрген, сау болмаз.
  • Тёрени джагъы джокъ.
  • Биреуге аманлыкъ этиб, кесинге игилик табмазса.
  • Арпа, будай – ащды, алтын, кюмюш а – ташды.
  • Байлыкъдан саулукъ ашхыды.
  • Тынгылагъан тынгы бузар.
  • Насыблы элин сюер, насыбсыз кесин сюер.
  • Ойнай билмеген, оюн бузар.
  • Игиге айтсанг – билир, аманнга айтсанг – кюлюр.
  • Ишленмеклик адамлыкъды.
  • Алим болгъандан эсе, адам болгъан къыйынды.
  • Нафысынгы айтханын этме, намысынгы айтханын эт.
  • Биреуге аманлыкъны тилеме да, кесинге ашхылыкъны тиле.
  • Кёлю джокъну – джолу джокъ.
  • Билгенни къолу къарны джандырыр.
  • Айран ичген – къутулду, джугъусун джалагъан – тутулду.
  • Махтаннган къыз, тойда джукълар.
  • Ашхы атаны – джашы ашхы, ашхы ананы – къызы ашхы.
  • Къарыусузгъа кюлме, онгсузгъа тийме.
  • Ариу сёз – джаннга азыкъ, аман сёз – башха къазыкъ.
  • Суугъа – чабакъ, къаягъа – ыргъакъ.
  • Айыбны суу бла джууалмазса.
  • Ышармагъан – кюлмез, кюлмеген – къууанчны билмез.
  • Кесинге джетмегенни, кёб сёлешме.
  • Харам къарнашдан, халал тенг ашхы.
  • Айырылгъанланы айю ашар, бёлюннгенлени бёрю ашар.
  • Тамырсыз терекге таянма – джыгъылырса.
  • Кюн – узун, ёмюр – къысха.
  • Бир абыннган – минг сюрюнюр.
  • Сагъышы джокъ – джукъучу, акъылы джокъ – къаугъачы.
  • Тилчи бир сагъатха айлыкъ хата этер.
  • Акъыл къартда, джашда тюйюлдю – башдады.
  • Къартха ушагъан джаш – акъыллы, джашха ушагъан къарт – тели.
  • Уллу къазанда бишген эт, чий къалмаз.
  • Тёрдеги кюлсе, эшикдеги ышарыр.
  • Билим насыб берир, билим джолну керир.
  • Ач да бол, токъ да бол – намысынга бек бол.
  • Алгъанда – джууукъ, бергенде – джау.
  • Ёмюрлюк шохлукъну джел элтмез.
  • Кёзню ачылгъаны – иги, ауузну джабылгъаны – иги.
  • Бойнуму джети джерден кессенг да, мен ол ишни этеллик тюлме.
  • Юйюнгден чыкъдынг – кюнюнгден чыкъдынг.
  • Акъыллы башны – тили къысха.

 

Страницы: 1
RSS
День Возрождения Карачаевского народа.
 
1957-чи джыл 3 майда, Орта Азиядан биринчи адамла Ата Джурха къайтыб келгендиле... Ол кюнден бери... бюгюн байрамгъа саналады...барыбызны да миллетибизни байрамы бла алгъышлайма... Аллах быллай байрамлагъа себеб болгъан затладан кери этсин миллетибизни... оруслула да 9-чу майгъа аталыб "День Победы" деб джырлары барды да... анда "праздник со слезами на глазах" деб джырланады... Къарачайлыланы Ата Джуртларына къайтхан байрамлары да аллай бир байрамды... Джуртха къайтханыбыздан чыкъгъан къууанч Орта Азия да миллетибиз сынагъан къыйынлыкъланы-бушууланы унуттурурча болгъмагъанлыкъгъа... дагъыда... джашау бошалмагъанын...мундан ары да... джашай-джашнай барлыгъыбызны бир белгесиди... Аллах барыбызны да къууанчладан айырмасын... миллетибизге къыйынлыкъла сынатмасын... биз да къартладан юлгю ала... миллетибизни сыйын чыгъара джашайыкъ... Аллах насыб берсин миллетибизге... эртде джырда джырланнганча: [i:a07342bf44][b:a07342bf44]"Аллах, сен сакъла Къарачайны"[/b:a07342bf44][/i:a07342bf44]
 
Алгъышлайма. Къыйынлыкъ кермесин миллетибиз..
 
Алгъышлайма :smt006 андан уллу къыйынлыкъ кермесин милллетибиз, джер юсюнде эм деменгли, баш джюрютген миллет болсун :smt127
 
[b:547b04b91f]аааа[/b:547b04b91f], [b:547b04b91f]zuu[/b:547b04b91f], [b:547b04b91f]диль дивана[/b:547b04b91f], Амин Аллах.. ...мен да къошулама айтылгъан алгъышлагъа.. Аллах къууанчдан, насыбдан айырмасын миллетибизни..Аллах сакъласын миллетибизни аманлыкъдан, зарандан, къыйынлыкъдан...
 
щас видела по ул.Ленина авто-марш в честь праздника с зелеными волко-флагами)) стрельба, национально-патриотическое музыкальное сопровождение и проч.атрибутика присутствовали)) и без карачаизма не обошлось: машина, которая командовала парадом, ехала по трассе на задней скорости!))) за минусом пафоса и посягательства на правопорядок-прикольно))
 
[b:5ce0af20c2]Фортуна Фиделя[/b:5ce0af20c2],
Цитата
ехала по трассе на задней скорости!)))
это как?
 
[b:7e2357b2cd]Мэй[/b:7e2357b2cd], на задней скорости можно ехать только задом)))
 
[b:d4c24111f3]aIien[/b:d4c24111f3], )))) Алгъышлайма))) Хар юйюрге да Аллах тынчлыкъ, мамырлыкъ, насып берисин...)))
 
[b:a0a95165ed]Мэй[/b:a0a95165ed], да, именно так, как Аида объяснила))
 
Аллах сен сакъла экинчи быллай къыйынлыкъдан..
Страницы: 1
Читают тему (гостей: 1)

 

Написать нам