- Аууз сакълагъан – джан сакълар.
- Къонакъ аман болса, къонакъбай джунчур
- Тил – кесген бычакъ, сёз – атылгъан окъ.
- Экеулен сёлеше тура эселе, орталарына барыб кирме.
- Кесинге джетмегенни, кёб сёлешме.
- Тили узунну, намысы – къысха.
- Ач, тоймам, дейди, тойгъан, ач болмам, дейди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Этни бети бла шорпасы.
- Адамгъа аман кюн соруб келмейди.
- Кёб къычыргъандан – къоркъма, тынч олтургъандан – къоркъ.
- Билгенни къолу къарны джандырыр.
- Ёксюзню тилеги къабыл болур.
- Ёнгкюч къууана барыр, джылай келир.
- Къан бла кирген, джан бла чыгъар.
- Къартха ушагъан джаш – акъыллы, джашха ушагъан къарт – тели.
- Джерни букъусу кёкге къонмаз.
- Эшекге миннген – биринчи айыб, андан джыгъылгъан – экинчи айыб.
- Къайгъыны сюйген, къайгъы табар.
- Аз сёлеш, кёб ишле.
- Таш бла ургъанны, аш бла ур.
- Кесине оноу эте билмеген, халкъына да эте билмез.
- Чомартха хар кюн да байрамды.
- Айыбны суу бла джууалмазса.
- Къызгъанчдан ычхыныр, мухардан ычхынмаз.
- Адамны аты башхача, акъылы да башхады.
- Джангызны оту джарыкъ джанмаз!
- Терслик кетер, тюзлюк джетер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аш берме да, къаш бер.
- Адам туугъан джеринде, ит тойгъан джеринде.
- Тиширыусуз юй – отсуз от джагъа.
- Сабий болмагъан джерде, мёлек болмаз.
- Ачлыкъда тары гырджын халыуадан татлы.
- Акъыл аздырмаз, билим тоздурмаз.
- Ачны эсинде – аш.
- Чакъырылмагъан къонакъ тёрге атламаз.
- Ач отунчуну ачыуу – бурнунда.
- Ариу – кёзге, акъыл – джюрекге.
- Акъыл бла адеб эгизледиле.
- «Ёгюз, джаргъа джууукъ барма, меннге джюк боллукъса», - дегенди эшек.
- Чакъырылмагъан къонакъ – орунсуз.
- Къонагъынгы артмагъын алма да, алгъышын ал.
- Уллу къашыкъ эрин джыртар.
- Адебни адебсизден юрен.
- Къая джолда джортма, ачыкъ сёзден къоркъма.
- Аманны тукъумуна къарама, игини тукъумун сорма.
- Джарлы тюеге минсе да, ит къабар.
- Урама да – ёледи, сатама да – келеди.
- Атадан ёксюз – бир ёксюз, анадан ёксюз – эки ёксюз.
Рулеты из лаваша
Читают тему (гостей: 1)