- Аман хансны – урлугъу кёб.
- Тил – миллетни джаны.
- Намыс сатылыб алынмайды.
- Хатерли къул болур.
- Ишин билген, аны сыйын чыгъарады.
- Кёб ант этген, кёб ётюрюк айтыр.
- Аман къатын сабий табса, бий болур…
- Аш берме да, къаш бер.
- Ким бла джюрюсенг, аны кёзю бла кёрюнюрсе.
- Джарлыны тону джаз битер.
- Шапа кёб болса, аш татымсыз болур.
- Аджалсыз ёлюм болмаз.
- Дуния мал дунияда къалады.
- Гитче джилтин уллу элни джандырыр.
- Атадан ёксюз – бир ёксюз, анадан ёксюз – эки ёксюз.
- Чабакъ башындан чирийди.
- Билмегенинги, билгеннге сор.
- Джарашыу сюйген – джалынчакъ.
- Тилчи бир сагъатха айлыкъ хата этер.
- Тас болгъан бычакъны сабы – алтын.
- Юйюнг бла джау болгъандан эсе, элинг бла джау бол.
- Джаш къарыу бла кючлю, къарт акъыл бла кючлю.
- Келинин тута билмеген, къул этер, къызын тута билмеген, тул этер.
- Ашхы болсанг, атынг чыгъар, аман болсанг, джанынг чыгъар.
- Мадар болса, къадар болур.
- Аманны тукъумуна къарама, игини тукъумун сорма.
- Джыланны къуйругъундан басарынг келсе, аны башы болгъанын унутма.
- Баргъанынга кёре болур келгенинг.
- Таула не мийик болсала да, аууш табылыр.
- Кирсизни – саны таза, халалны – къаны таза.
- Джангызны оту джарыкъ джанмаз!
- Орундукъ тюбюнде атылсам да, орта джиликме, де да айлан.
- Ашхы – джыяр, аман – джояр.
- «Ёгюз, джаргъа джууукъ барма, меннге джюк боллукъса», - дегенди эшек.
- Тенгинг джокъ эсе – изле, бар эсе – сакъла!
- Къая джолда джортма, ачыкъ сёзден къоркъма.
- Ёлген аслан – сау чычхан.
- Ат да турмайды бир териде.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу – кёзге, акъыл – джюрекге.
- Бети бедерден, намыс сакълама.
- Хаухну атма, ёнгкючню сатма.
- Эски джаугъа ышанма.
- Ёпкелегенни ашы татлы болады.
- Тыш элде солтан болгъандан эсе, кесинги элде олтан болгъан игиди!
- Мал кёб болса, джууукъ кёб болур.
- Ариу сёз джыланны орнундан чыгъарыр.
- Ашда – бёрю, ишде – ёлю.
- «Ма», - дегенни билмесенг, «бер», - дегенни билмезсе.
- Нарт сёз – тилни бети.
Рулеты из лаваша
Читают тему (гостей: 1)