- Билими азны – ауузунда кирит.
- Атлыны ашхысы, ат тизгининден билинир
- Джангызны оту джарыкъ джанмаз!
- Тёгюлген тюгел джыйылмайды.
- Бичгенде ашыкъма, тикгенде ашыкъ.
- Чабар ат – джетген къыз.
- Аманны къуугъан, аманлыкъ табар.
- Джашда акъыл джокъ, къартда къарыу джокъ.
- Чёбню кёлтюрсенг, тюбюнден сёз чыгъар.
- Джарлы тюеге минсе да, ит къабар.
- Хантына кёре тузу, юйюне кёре къызы.
- Намыс болмагъан джерде, насыб болмаз.
- Джаш къарыу бла кючлю, къарт акъыл бла кючлю.
- Джашлыкъ этмеген, башлыкъ этмез.
- Акъыллы башны – тили къысха.
- Кюлме джашха – келир башха.
- Кесине гебен этелмеген, биреуге черен эте эди.
- Кесинг сынамагъан затны, адамгъа буюрма.
- Акъыл сабырлыкъ берир.
- Иги джашны ышаны – аз сёлешиб, кёб тынгылар.
- Аман хансны – урлугъу кёб.
- Джолунга кёре – джюрюшюнг, джагъанга кёре – юлюшюнг.
- Уллу къазанда бишген эт, чий къалмаз.
- Ургъан суудан башынгы сакъла.
- Окъ къызбайны джокълайды.
- Байлыкъ келсе, акъыл кетер.
- Элни кючю – эмеген.
- Таукелге нюр джауар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачлыкъда тары гырджын халыуадан татлы.
- Арпа, будай – ащды, алтын, кюмюш а – ташды.
- Эркиши – от, тиширыу – суу.
- Джашны джигитлиги сорулур, къызны джигерлиги сорулур.
- Къазанда болса, чолпугъа чыгъар.
- Юйюнг бла джау болгъандан эсе, элинг бла джау бол.
- Джылар джаш, атасыны сакъалы бла ойнар.
- Иги адам абынса да, джангылмаз.
- Къайгъыны сюйген, къайгъы табар.
- Къартны бурнун сюрт да, оноугъа тут.
- Битмегеннге сакъал – танг.
- Сагъыш – къартлыкъгъа сюйюмчю.
- Гугук кесини атын айтыб къычыргъанча, мен, мен деб нек тураса?
- Акъыл аздырмаз, билим тоздурмаз.
- Тойгъа барсанг, тоюб бар, эски тонунгу къоюб бар.
- Уруну арты – къуру.
- Ариу сёз – къылычдан джити.
- Айыбны суу бла джууалмазса.
- Билеги кючлю, бирни джыгъар, билими кючлю, мингни джыгъар.
- Хар зат кесини орнуна иги.
- Игилик игилик бла сингдирилиучю затды.
Локумчики)))
25.10.2007 15:20:33
ща открою тему))))))))) и скину все те рецепты))))
|
|
|
|
26.10.2007 10:52:33
Эх, бюгюн татлы локъумчукъла бир этеим))
|
||||
|
|
|||
Читают тему (гостей: 1)