- Ач, тоймам, дейди, тойгъан, ач болмам, дейди.
- Джарлыны эшигин махтагъан джабар.
- Илму – джашауну джолу.
- Биреуню эскиси биреуге джангы болмайды.
- Этек чакъмакълары баш джаргъан, сёлешген сёзлери таш джаргъан.
- Башы джабылгъан челекге, кир тюшмез.
- Телини эшигин, махтау джабар.
- Къайгъы тюбю – тенгиз.
- Къатыны харакетли болса, эри къымсыз болур.
- Джаш къарыу бла кючлю, къарт акъыл бла кючлю.
- Къызын тута билмеген, тул этер, джашын тута билмеген, къул этер.
- Чабар ат – джетген къыз.
- Насыблы элин сюер, насыбсыз кесин сюер.
- Окъуусуз билим – джокъ, билимсиз кюнюнг – джокъ.
- Гырджын – тепсини тамадасы.
- Чалманны аллы къалай башланса, арты да алай барады.
- Баланы адам этген анады.
- Аджашханны ызындагъы кёреди, джангылгъанны джанындагъы биледи.
- Аман хансны – урлугъу кёб.
- Джолда аягъынга сакъ бол, ушакъда тилинге сакъ бол.
- Бир абыннган – минг сюрюнюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чоюнну башы ачыкъ болса, итге уят керекди.
- Адамны сыфатына къарама, сёзюне къара.
- Джашны джигитлиги сорулур, къызны джигерлиги сорулур.
- Гугурук къычырмаса да, тангны атары къалмаз.
- Кюн кёрмеген, кюн кёрсе, кюндюз чыракъ джандырыр.
- Аманны эки битли тону болур, бирин сеннге кийдирир, бирин кеси киер.
- Къыз келсе, джумуш эте келеди, къатын келсе, ушакъ эте келеди.
- Aдам боллукъ, сыфатындан белгили.
- Бети – къучакълар, джюреги – бычакълар.
- Байма, деб да, къууанма, джарлыма, деб да, джылама.
- Рысхысына кёре, джаш ёсер, къышлыгъына кёре, мал ёсер.
- Джыланны къуйругъундан басарынг келсе, аны башы болгъанын унутма.
- Аурууну келиую тынч, кетиую – къыйын.
- Итли къонакъ джарашмаз.
- Биреуню тёрюнден, кесинги эшик артынг игиди.
- Чабакъ башындан чирийди.
- Адам сёзюнден белгили.
- Къарнынг бла ёч алма.
- Ишленмеклик адамлыкъды.
- Атынг аманнга чыкъгъандан эсе, джанынг тамагъынгдан чыкъсын.
- Ашатыргъа иш – ашхы, ишлетирге аш – ашхы.
- Къонакъ кёб келюучю юйню, къазаны отдан тюшмез.
- Къайгъыны сюйген, къайгъы табар.
- Джангыз торгъай джырламаз.
- Адебни адебсизден юрен.
- Джерни букъусу кёкге къонмаз.
- Уясында не кёрсе, учханында аны этер.
- Уллу суу бла уллу ауруудан башынгы сакъла.
СОЛЕНИЯ НА ЗИМУ
27.08.2005 00:37:08
[size=24:ed8781f617]1. БАКЛАЖАНЫ[/size:ed8781f617]
|
|
|
|
27.08.2005 00:44:34
[size=24:c8733cade8]2.ОГУРЦЫ[/size:c8733cade8]
|
|
|
|
27.08.2005 01:02:20
[size=24:fffeaec431]3.ПОМИДОРЫ[/size:fffeaec431]
|
|
|
|
Читают тему (гостей: 1)