- Байлыкъ адамны сокъур этер.
- Халкъгъа джарагъан, джарлы къалмаз.
- Ат да турмайды бир териде.
- Къарнынг тойгъунчу аша да, белинг талгъынчы ишле.
- Кёбге таш атма.
- Аш берме да, къаш бер.
- Арбаз къынгырды да, ийнек сауалмайма.
- Урама да – ёледи, сатама да – келеди.
- Ишленмеген джаш – джюгенсиз ат, ишленмеген къыз – тузсуз хант.
- Шекер бла туз – бир болмаз, ушамагъан – юй болмаз.
- Айыбны суу бла джууалмазса.
- Ашлыкъ – бюртюкден, джюн – тюкден.
- Эркиши – от, тиширыу – суу.
- Эл элде бирер малынг болгъандан эсе, бирер тенгинг болсун.
- Зар адамны насыбы болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чалманны аллы къалай башланса, арты да алай барады.
- Сакъ юйюне сау барыр.
- Билимли ёлмез, билимсиз кёрмез.
- Кёзю сокъурдан – къоркъма, кёлю сокъурдан – къоркъ.
- Кесине гебен этелмеген, биреуге черен эте эди.
- Экеу тутушса, биреу джыгъылыр.
- Ханнга да келеди хариблик.
- Кёзден кетген, кёлден да кетеди.
- Байма, деб да, къууанма, джарлыма, деб да, джылама.
- Адамны бетине къарама, адетине къара.
- Кёл ашады да, кеси ашады.
- Джан саулукъ бермей, сан саулукъ бермезсе.
- Ата джурт – алтын бешик.
- Сютню башын джалагъан къутулур, тюбюн ичген тутулур.
- Этни да ашады, бетни да ашады.
- Хар сёзню орну барды.
- Чакъырылгъанны аты, чакъырылмагъанны багъасы болур.
- Билим къая тешер.
- Адам боллукъ, атламындан белгили болур.
- Уясында не кёрсе, учханында аны этер.
- Тиширыусуз юй – отсуз от джагъа.
- Ачыу алгъа келсе, акъыл артха къалады.
- Айтханы чапыракъдан ётмеген.
- Ач – эснер, ат – кишнер.
- Адам сёзге тынгыла, акъыл сёзню ангыла.
- Киштикге къанат битсе, чыпчыкъ къалмаз эди.
- Кюн кёрмеген, кюн кёрсе, кюндюз чыракъ джандырыр.
- Эринчекге кюн узун.
- Ёнгкюч къууана барыр, джылай келир.
- Эркишиге тары кебек танг кёрюнюр.
- Джашда акъыл джокъ, къартда къарыу джокъ.
- Къанны къан бла джуума, аманны аман бла къуума.
- Ач отунчуну ачыуу – бурнунда.
- Малны кют, джерни тюрт.
История заключённого
11.05.2008 19:45:20
м-да..однако.....от скуки и не такое откопаешь тут :smt017
|
|
|
|
11.05.2008 19:53:40
|
||||
|
|
|||
Читают тему (гостей: 1)