- Сыфатында болмагъаны, суратында болмаз.
- Къайтырыкъ эшигинги, къаты уруб чыкъма.
- Джаш къарыу бла кючлю, къарт акъыл бла кючлю.
- Кёбню кёрген – кёб билир.
- Арба аугъандан сора, джол кёргюзтюучю кёб болур.
- Къазанны башы ачыкъ болса, итге уят керекди.
- Аман киши кеси юйюнде – къонакъ.
- Чёбню кёлтюрсенг, тюбюнден сёз чыгъар.
- Аджашханны ызындагъы кёреди, джангылгъанны джанындагъы биледи.
- Къарыусузгъа кюлме, онгсузгъа тийме.
- Мадар болса, къадар болур.
- Хар сёзню орну барды.
- Тау башында, тау болмаз, джангыз терек, бау болмаз.
- Ариу сёз аурууунгу алыр.
- Къумурсхала джыйылсала, пилни да джыгъадыла.
- Къуллукъчума, деб махтанма, къуллукъ – хаух джамчыды!
- Намысы джокъну – дуниясы джокъ.
- Окъугъан – асыу, окъумагъан – джарсыу.
- Аман къатын алгъан, арыр, иги къатын алгъан джарыр.
- Атлыны кёрсе, джаяуну буту талыр.
- Адебни адебсизден юрен.
- Къулакъдан эсе, кёзге ышан.
- Айран тёгюлсе, джугъусу къалыр.
- «Ма», - дегенни билмесенг, «бер», - дегенни билмезсе.
- Къуру гыбыт бек дыгъырдар.
- Аманнга алтын чыдамаз.
- Ач да бол, токъ да бол – намысынга бек бол.
- Сакъ юйюне сау барыр.
- Ариу джол аджал келтирмез.
- Ёлюр джаннга, ёкюл джокъ.
- Къызны минг тилер, бир алыр.
- Дуния малгъа сатылма, кесингден телиге къатылма.
- Ичимден чыкъды хата, къайры барайым сата?
- Кесине гебен этелмеген, биреуге черен эте эди.
- Аманны тукъумуна къарама, игини тукъумун сорма.
- Къартны сыйын кёрмеген, къартлыгъында сыйлы болмаз.
- Этим кетсе да, сюегим къалыр.
- Окъдан джара эртде-кеч болса да бителир, сёз джара, ёмюрге къалыр.
- Тилсиз миллет джокъ болур.
- Сабыр джетер муратха, сабырсыз къалыр уятха.
- Алма терегинден кери кетмез.
- Азыгъы аз, алгъа къабар, аты аман, алгъа чабар.
- Джашлыкъ этмеген, башлыкъ этмез.
- Сабий кёргенин унутмаз.
- Ётюрюкден тюбю джокъ, кёлтюрюрге джиби джокъ.
- Аманнга игилик этсенг, юйюнге сау бармазса.
- Сескекли кесин билдирир.
- Бир онгсуз адам адет чыгъарды, деб эштирик тюлсе.
- Ариу сёз – джаннга азыкъ, аман сёз – башха къазыкъ.
- Кёрмегеннге кебек – танг, битмегеннге сакъал – танг.
История заключённого
11.05.2008 19:45:20
м-да..однако.....от скуки и не такое откопаешь тут :smt017
|
|
|
|
11.05.2008 19:53:40
|
||||
|
|
|||
Читают тему (гостей: 1)