- Окъуу – билимни ачхычы, окъуу – дунияны бачхычы.
- Биреуге аманлыкъны тилеме да, кесинге ашхылыкъны тиле.
- Телиге акъыл салгъандан эсе, ёлгеннге джан салырса.
- Уруну арты – къуру.
- Ёлген эшек бёрюден къоркъмайды.
- Билим – акъылны чырагъы.
- Айтханы чапыракъдан ётмеген.
- Окъ къызбайны джокълайды.
- Ата Джуртча джер болмаз, туугъан элча эл болмаз.
- Мени джылытмагъан кюн, меннге тиймесин!
- Тил бла келеди джыр да.
- Зар адамны насыбы болмаз.
- Тилчиден кери бол.
- Къыйынлы джети элни къайгъысын этер.
- Къар – келтирди, суу – элтди.
- Керти сёзге тёре джокъ.
- Кёрмегеннге кебек – танг, битмегеннге сакъал – танг.
- Кёбден умут этиб, аздан къуру къалма.
- Бастасын ашагъан, хантусун да ичер.
- Сыфатында болмагъаны, суратында болмаз.
- Мадар болса, къадар болур.
- Кеси юйюмде мен да ханма.
- Сёлеш деб шай берген, тохта деб, сом берген.
- Суугъа – таянма, джаугъа – ийнанма.
- Азыкълы ат арымаз, къатыны аман джарымаз.
- Керилген да, ургъан кибикди.
- Ачылгъан эт джабылыр, кёрген кёз унутмаз.
- Мухардан ач ычхынмаз.
- Мураты болгъанны джюрек тебюую башхады.
- Аман адам этегингден тутса, кес да къач.
- Халкъны юйю – туугъан джери.
- Кийиминг бла танылма, адамлыкъ бла таныл.
- Ачыкъ джюрекге джол – ачыкъ.
- Аманны къуугъан, аманлыкъ табар.
- Ишин билген, аны сыйын чыгъарады.
- Адеб базарда сатылмаз.
- Къонагъы джокъну – шоху джокъ.
- Тенгни тенглиги джашай барсанг билинир.
- Кёз – сюйген джерде, къол – ауругъан джерде.
- Ашхы болсанг, атынг чыгъар, аман болсанг, джанынг чыгъар.
- Ачыу алгъа келсе, акъыл артха къалады.
- Адамны сыфатына къарама, сёзюне къара.
- Джаным-тиним – окъуу, билим.
- Ата – баланы уясы.
- Бир абыннган – минг сюрюнюр.
- Болджал ишни бёрю ашар.
- Аджашхан тёгерек айланыр.
- Адеб джокъда, намыс джокъ.
- Акъыллы эркиши атын махтар, акъылсыз эркиши къатынын махтар.
- Эрни эр этерик да, къара джер этерик да, тиширыуду.
Что носят наши джаши (автор Gardt-han) От спорт.од. к обтягу
27.07.2010 21:22:43
[b:4108330514]Piece of Happiness[/b:4108330514], хорошее замечание)
|
|
|
|
30.07.2010 22:17:08
[b:abbdab51ae]аааа[/b:abbdab51ae],кажется за всех мужчин,которые в костюме дрова рубили и т.д.,отдувался :smt003 :smt003 :smt003
|
||||
|
|
|||
Читают тему (гостей: 1)