- Уллу къазанда бишген эт, чий къалмаз.
- Дженгил джетерикме деб, узун джолну къоюб, къысхасын барма.
- Къарын къуру болса, джюрек уру болур.
- Къуллукъчума, деб махтанма, къуллукъ – хаух джамчыды!
- Зар адам ашынгы ашар, кесинги сатар.
- Къар – келтирди, суу – элтди.
- Ушамагъан – джукъмаз.
- Айырылмаз джууугъунга, унутмаз сёзню айтма.
- Алтыннга тот къонмаз.
- Халкъны джырын джырласанг, халкъ санга эжиу этер.
- Джолунга кёре – джюрюшюнг, джагъанга кёре – юлюшюнг.
- Ачыкъ джюрекге джол – ачыкъ.
- Тюзлюк тас болмайды.
- Аман адам элни бир-бирине джау этер.
- Эл тойса, тоймагъан, эл къойса, къоймагъан.
- Ариу сёз – къылычдан джити.
- Башы ишлегенни, ауузу да ишлер.
- Эрни эр этерик да, къара джер этерик да, тиширыуду.
- Адеб базарда сатылмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Билим ат болуб да чабар, къуш болуб да учар.
- Киштикге къанат битсе, чыпчыкъ къалмаз эди.
- Тойгъа алгъа да барма, тойда артха да къалма.
- Мал ёлсе, сюек къалыр, адам ёлсе, иши къалыр.
- Тешик этген тынчды, аны джамагъан къыйынды.
- Келлик заман – къартлыкъ келтирир, кетген заман – джашлыкъ ёлтюрюр.
- Тёзген – тёш ашар!
- Тилчи тилден къаныкъмаз.
- Къарыусузгъа кюлме, онгсузгъа тийме.
- Сёлеш деб шай берген, тохта деб, сом берген.
- Ёзденликни джайгъан – джокълукъ.
- Юй кюйдю да, кюйюз чыкъды, ортасындан тюйюш чыкъды.
- Эки къатын алгъан – эки ташны ортасына башын салгъан.
- Окъдан джара эртде-кеч болса да бителир, сёз джара, ёмюрге къалыр.
- Адам сёзге тынгыла, акъыл сёзню ангыла.
- Кёб ант этген, кёб ётюрюк айтыр.
- Игилик игилик бла сингдирилиучю затды.
- Ауузу бла къуш тута айланады.
- Биреуге аманлыкъ этиб, кесинге игилик табмазса.
- Чомарт къолда мал къалмаз.
- Къанны къан бла джуума, аманны аман бла къуума.
- Эм ашхы къайын ана мамукъ бла башынгы тешер.
- Кесинге джетмегенни, кёб сёлешме.
- Ауругъанны сау билмез, ач къарынны токъ билмез.
- Аманнга алтын чыдамаз.
- Ач къарынны, токъ билмез
- Гырджын – тепсини тамадасы.
- Аман адам этегингден тутса, кес да къач.
- Эринчекни аурууу – кёб.
- Арбаз къынгырды да, ийнек сауалмайма.