- Минг тенг да азды, бир джау да кёбдю.
- Билим ат болуб да чабар, къуш болуб да учар.
- Юй ишлеген балта эшикде къалыр.
- Зарда марда джокъ.
- Джюрекден джюрекге джол барды.
- Сууда джау джокъ, кёб сёзде магъана джокъ.
- Чомарт къолда мал къалмаз.
- Джюз элде джюз ёгюзюм болгъандан эсе, джюз джууугъум болсун.
- Тил джюрекге джол ишлейди.
- Ата Джуртуму башы болмасам да, босагъасында ташы болайым.
- Ариу сёз – къылычдан джити.
- Джарлы эскисин джамаса, къууаныр.
- Кийиминг бла танылма, адамлыкъ бла таныл.
- Биреуге кёлтюрген таягъынг, кесинги башынга урур.
- Баш – акъыл ючюн, акъылман – халкъ ючюн.
- Намыс болмагъан джерде, насыб болмаз.
- Башы джабылгъан челекге, кир тюшмез.
- Иги адам абынса да, джангылмаз.
- Тилсиз миллет джокъ болур.
- Кийимни бичсенг, кенг бич, тар этген къыйын тюлдю.
- Тыш элде солтан болгъандан эсе, кесинги элде олтан болгъан игиди!
- Джеринден айырылгъан – джети джылар, джуртундан айырылгъан – ёлгюнчю джылар.
- Ашатыргъа иш – ашхы, ишлетирге аш – ашхы.
- Ётюрюкден тюбю джокъ, кёлтюрюрге джиби джокъ.
- Адамны аманы адамны бети бла ойнар.
- Таукелге нюр джауар.
- Къыйынлы джети элни къайгъысын этер.
- Экиндини кеч къылсанг, чабыб джетер ашхам.
- Эл ауузу – элек, анга ийнаннган – халек.
- Босагъагъа джууукъ орун болса, ашыгъыб тёрге озма.
- Чыбыкълыкъда бюгюлмеген, къазыкълыкъда бюгюлмей эди.
- Сормай – алма, чакъырылмай – барма.
- Джангыз торгъай джырламаз.
- Чабакъсыз кёлге къармакъ салгъанлыкъгъа, чабакъ тутмазса.
- Шайтан алдады, тюзлюк къаргъады.
- Иги сеники эсе да, сюйген кесимикин этеме.
- Къобан да къуру да къобханлай турмайды, адам да къуру да патчахлай турмайды.
- Нарт сёз – тилни бети.
- Элиб деген, элге болушур.
- Адеби болмагъан къыз – тузсуз хант.
- Джырына кёре эжиую.
- Садакъачыны джаны – къапчыгъында.
- Дуния аламаты сен эсенг да, игиме деб айтма.
- Аман къатын сабий табса, бий болур…
- Биреуню тёрюнден, кесинги эшик артынг игиди.
- Байны къызы баймакъ болса да, юйде къалмаз!
- Элге къуллукъ этмеген, элге ие болмаз.
- Терслик кетер, тюзлюк джетер.
- Эл ауузу – элия.
- Уллу сёзде уят джокъ.
Синема,Синема, от тебя мы без от ума!
Читают тему (гостей: 1)