- Билген билмегенни юретген адетди.
- Къонакъ хазыр болгъанлыкъгъа, къонакъбай хазыр тюлдю.
- Азыгъы аз, алгъа къабар, аты аман, алгъа чабар.
- Дуния мал дунияда къалады.
- Аман хансны – урлугъу кёб.
- Мен да «сен», дейме, сен да «кесим», дейсе.
- Тёрде – темир таякълы, къаяда – чыпчыкъ аякълы.
- Кёзден кетген, кёлден да кетеди.
- Къулакъдан эсе, кёзге ышан.
- Махтаннган къыз, тойда джукълар.
- Рысхысына кёре, джаш ёсер, къышлыгъына кёре, мал ёсер.
- Къызгъанчдан ычхыныр, мухардан ычхынмаз.
- Ишни аллы бла къууанма да, арты бла къууан.
- Джарлыны эшигин махтагъан джабар.
- Малны кют, джерни тюрт.
- Джылар джаш, атасыны сакъалы бла ойнар.
- Джырчы джырчыгъа – къарнаш.
- Эте билген, этген этеди, эте билмеген, юретген этеди!
- Атадан ёксюз – бир ёксюз, анадан ёксюз – эки ёксюз.
- Къонакъ кёб келюучю юйню, къазаны отдан тюшмез.
- Мал тутхан – май джалар.
- Байлыкъ келсе, акъыл кетер.
- Тик ёргени, тик энгишгеси да болады.
- Ишлегенде эринме, ишде чолакъ кёрюнме.
- Джолда аягъынга сакъ бол, ушакъда тилинге сакъ бол.
- Къарт бла баш аша, джаш бла аякъ аша.
- Ана кёлю – балада, бала кёлю – талада.
- Мал кёб болса, джууукъ кёб болур.
- Адамны аманы адамны бети бла ойнар.
- Таякъ этден ётер, тил сюекден ётер.
- Тура эдим джата, къайдан чыкъды хата?
- Ана – юйню кюн джарыгъы.
- Шайтан алдады, тюзлюк къаргъады.
- Окъумагъан сокъурду, сокъур ташха абыныр!
- Тил джюрекге джол ишлейди.
- Джыланны къуйругъундан басарынг келсе, аны башы болгъанын унутма.
- Ана къойну – балагъа джандет.
- Суугъа – таянма, джаугъа – ийнанма.
- Аманны эки битли тону болур, бирин сеннге кийдирир, бирин кеси киер.
- Кёлсюзден сёзсюз тууар.
- Тели турса – той бузар.
- Акъыл неден да кючлюдю.
- Къарт айтханны этмеген, къартаймаз.
- Айраннга суу къош, телиге джол бош.
- Атынг аманнга чыкъгъандан эсе, джанынг тамагъынгдан чыкъсын.
- Ёлюк кебинсиз къалмаз.
- Аджашханны ызындагъы кёреди, джангылгъанны джанындагъы биледи.
- Игилик игилик бла сингдирилиучю затды.
- Аурууну келиую тынч, кетиую – къыйын.
- Эрни эр этерик да, къара джер этерик да, тиширыуду.
Документальный фильм "Лесной Ахмат".
|
:smt023
|
|
|
|
|
|
жизнь прекрасна, несмотря на недочеты (с)
|
|
|
|
|
|
:smt023 :smt023 :smt023
|
|
|
|
|
|
супер!!! :smt023
|
|
|
|
|
|
здорово))
|
||||
|
|
|
|||
Читают тему (гостей: 1)