Окъ къызбайны джокълайды.
Киштикге къанат битсе, чыпчыкъ къалмаз эди.
Ашыкъгъан cуу, тенгизге джетмез.
Къан бла кирген, джан бла чыгъар.
Узун джолну барсанг, бюгюн келирсе, къысха джолну барсанг, тамбла келирсе.
Эки элинги тыйсанг, джети элде махталырса.
Ауурну тюбю бла, дженгилни башы бла джюрюген.
Азыкъ аз болса, эртде орун сал.
Келлик заман – къартлыкъ келтирир, кетген заман – джашлыкъ ёлтюрюр.
Байлыкъ келсе, акъыл кетер.
Джарашыу сюйген – джалынчакъ.
Ашхы сёз таш тешер.
Илму – джашауну джолу.
Тенги кёбню джау алмаз, акъылы кёбню дау алмаз.
Мени джылытмагъан кюн, меннге тиймесин!
Кесинге джетмегенни, кёб сёлешме.
Башынга джетмегенни сорма.
Элде адам къалмаса, ит тахтагъа минер.
Зар адам ашынгы ашар, кесинги сатар.
Эм ашхы къайын ана мамукъ бла башынгы тешер.
Хаухну атма, ёнгкючню сатма.
Иги бла джюрюсенг, джетерсе муратынга, аман бла джюрюсенг, къалырса уятха.
Джогъун бар этген, барын бал этген.
Чомарт бергенин айтмаз.
Иги сёз – джаннга азыкъ, аман сёз башха – къазыкъ.
Чакъырылмагъан къонакъ – орунсуз.
Хантына кёре тузу, юйюне кёре къызы.
Аджаллыгъа окъсуз шкок атылыр.
Джаз бир кюнню джатсанг, къыш талай кюнню абынырса.
Билеги кючлю, бирни джыгъар, билими кючлю, мингни джыгъар.
Ата Джуртча джер болмаз, туугъан элча эл болмаз.
Тойгъан антын унутур.
Этни бети бла шорпасы.
Биреуге аманлыкъны тилеме да, кесинге ашхылыкъны тиле.
Аурууну келиую тынч, кетиую – къыйын.
Эртде тургъан джылкъычыны эркек аты тай табар.
Экиндини кеч къылсанг, чабыб джетер ашхам.
Кёзю сокъурдан – къоркъма, кёлю сокъурдан – къоркъ.
Къайгъыны сюйген, къайгъы табар.
Ойнай билмеген, оюн бузар.
Байлыкъ адамны сокъур этер.
Ачылгъан эт джабылыр, кёрген кёз унутмаз.
Джырына кёре эжиую.
Нарт сёз къарт болмаз.
Къыз келсе, джумуш эте келеди, къатын келсе, ушакъ эте келеди.
Джашны джигитлиги сорулур, къызны джигерлиги сорулур.
Ач, тоймам, дейди, тойгъан, ач болмам, дейди.
Джыланны къуйругъундан басарынг келсе, аны башы болгъанын унутма.
Келинин тута билмеген, къул этер, къызын тута билмеген, тул этер.
Арпа, будай – ащды, алтын, кюмюш а – ташды.
