Хазыр ашха – терен къашыкъ.
Таукел тауну аудурур.
Ашха уста, юйюнде болсун
От этилмеген джерден тютюн чыкъмайды.
Бёрю да ач къалмасын, эчки да ашалмасын.
Къызны минг тилер, бир алыр.
Соргъан айыб тюлдю, билмеген айыбды.
Ким бла джюрюсенг, аны кёзю бла кёрюнюрсе.
Тин – байлыгъынг, терен саулугъунг.
Къонакъ аз олтурур, кёб сынар.
Бал – татлы, балдан да бала – татлы.
Кёзюнде тереги болгъан, чёбю болгъаннга кюле эди.
Билимсиз иш бармаз.
Айранны сюйген, ийнек тутар.
Ана кёлю – балада, бала кёлю – талада.
Аманны эки битли тону болур, бирин сеннге кийдирир, бирин кеси киер.
Айырылгъанланы айю ашар, бёлюннгенлени бёрю ашар.
Ауругъаннга – кийик саулукъ, джетген къызгъа – чилле джаулукъ.
Адамгъа аман кюн соруб келмейди.
Джюрекге ариу – кёзге да ариу.
Кёбге таш атма.
Иги болса, тамадама – махтау, аман болса, меннге – айыб.
Тюзню ётмеги тюзде къалса да, тас болмаз.
Къонакъ хазыр болгъанлыкъгъа, къонакъбай хазыр тюлдю.
Ауругъанны сау билмез, ач къарынны токъ билмез.
Тил джюрекге джол ишлейди.
Айранын берсенг, челегин да къызгъанма.
Бет бетге къараса, бет да джерге къарар.
Эл тойса, тоймагъан, эл къойса, къоймагъан.
Аманнга да, игиге да оноусуз къатышма.
Ата Джуртун танымагъан, атасын да танымаз.
Окъумагъан сокъурду, сокъур ташха абыныр!
Бир онгсуз адам адет чыгъарды, деб эштирик тюлсе.
Къая джолда джортма, ачыкъ сёзден къоркъма.
Айырылмаз джууугъунга, унутмаз сёзню айтма.
Башы ишлегенни, ауузу да ишлер.
Аман адам элни бир-бирине джау этер.
Ариу сёз джыланны орнундан чыгъарыр.
Кёз – сюйген джерде, къол – ауругъан джерде.
Термилгенинги табмазса, кюлгенинге тюберсе.
Намысы болмагъанны, сыйы болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреу къой излей, биреу той излей.
Терек ауса, отунчу – кёб.
Шекер бла туз – бир болмаз, ушамагъан – юй болмаз.
Халкъгъа джарагъан, джарлы къалмаз.
Мухар, кеси тойса да, кёзю тоймаз.
Адам сёзге тынгыла, акъыл сёзню ангыла.
Артына баргъанны, къатына барма.
Босагъагъа джууукъ орун болса, ашыгъыб тёрге озма.
