Ашына кёре табагъы, балына кёре къалагъы.
Эте билген, этген этеди, эте билмеген, юретген этеди!
Кёб джашагъан – кёб билир.
Адамны сабийин сюйген джюреги, бычакъча, джитиди.
Аш иеси бла татлыды.
Биреуге кёлтюрген таягъынг, кесинги башынга урур.
Арыгъан къош чамчы болур.
Къуллукъчума, деб махтанма, къуллукъ – хаух джамчыды!
Юйюнг бла джау болгъандан эсе, элинг бла джау бол.
Ана къойну – балагъа джандет.
Эр абынмай, эл танымаз.
Ата Джуртун танымагъан, атасын да танымаз.
Эртде тургъан джылкъычыны эркек аты тай табар.
Къарт айтханны этмеген, къартаймаз.
Бал чибинни ургъаны – ачы, балы – татлы.
Сормай – алма, чакъырылмай – барма.
Айранын берсенг, челегин да къызгъанма.
Джаш болсун, къыз болсун, акъылы, саны тюз болсун.
Иги болса, тамадама – махтау, аман болса, меннге – айыб.
Кийимни бир кюнню аясанг, минг кюннге джарар.
Ауругъаннга – кийик саулукъ, джетген къызгъа – чилле джаулукъ.
Джетген къыз джерли эшекни танымаз.
Игиге айтсанг – билир, аманнга айтсанг – кюлюр.
Къарын къуру болса, джюрек уру болур.
Иги бла джюрюсенг, джетерсе муратынга, аман бла джюрюсенг, къалырса уятха.
Къолунгдан къуймакъ ашатсанг да, атаны борчундан къутулмазса.
Чалманны аллы къалай башланса, арты да алай барады.
Ишлерге уял да, ашаргъа табма.
Джуртун къоругъан озар.
Уллу къашыкъ эрин джыртар.
Иги джашны ышаны – аз сёлешиб, кёб тынгылар.
Ёгюзню мюйюзлери ауурлукъ этмейдиле.
Орундукъ тюбюнде атылсам да, орта джиликме, де да айлан.
Оюмсуз атлагъан, аджалсыз ёлюр.
Нафысынгы айтханын этме, намысынгы айтханын эт.
Джети тилни билген джети кишиди.
Чабакъ башындан чирийди.
Гырджын – тепсини тамадасы.
Атлыны кёрсе, джаяуну буту талыр.
Тели турса – той бузар.
Адам сёзге тынгыла, акъыл сёзню ангыла.
Аз сёлешген, къайгъысыз турур.
Азыкъ аз болса, эртде орун сал.
Баш болса, бёрк табылыр.
Чомартны къолун джокълукъ байлар.
Нарт сёз – тилни бети.
Ишге юренсин къоллары, халкъ бла болсун джоллары.
Чакъырылгъанны аты, чакъырылмагъанны багъасы болур.
Къуру гыбыт бек дыгъырдар.
Акъылсызны джууукъгъа алма, акъыллыны кенгнге салма.
