- Акъыл бла адеб эгизледиле.
- Кийимни бир кюнню аясанг, минг кюннге джарар.
- Аманны тукъумуна къарама, игини тукъумун сорма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къозулугъунда тоймагъан, къойлугъунда тоймаз.
- Бир онгсуз адам адет чыгъарды, деб эштирик тюлсе.
- Байма, деб да, къууанма, джарлыма, деб да, джылама.
- Мухарны эси – ашарыкъда.
- Ханы къызы буюгъа-буюгъа киштик болду.
- Дуния аламаты сен эсенг да, игиме деб айтма.
- Мал кёб болса, джууукъ кёб болур.
- Кеси юйюмде мен да ханма.
- Илму – джашауну джолу.
- Нафысынгы айтханын этме, намысынгы айтханын эт.
- Экеулен сёлеше тура эселе, орталарына барыб кирме.
- Кёб къычыргъандан – къоркъма, тынч олтургъандан – къоркъ.
- Мал тутхан – май джалар.
- Сакъалы текени да бар, мыйыгъы киштикни да бар.
- Къыз келсе, джумуш эте келеди, къатын келсе, ушакъ эте келеди.
- Зар адамны насыбы болмаз.
- Къонагъынгы артмагъын алма да, алгъышын ал.
- Уруну арты – къуру.
- Аджаллыгъа окъсуз шкок атылыр.
- Чакъырылмагъан джерге барма, чакъырылгъан джерден къалма.
- Ана къойну – балагъа джандет.
- Сёз сёзню айтдырыр.
- Джети тилни билген джети кишиди.
- Тенги кёбню джау алмаз, акъылы кёбню дау алмаз.
- Сагъышы джокъ – джукъучу, акъылы джокъ – къаугъачы.
- Сёз – кюмюш, джыр – алтын.
- Иги болса, тамадама – махтау, аман болса, меннге – айыб.
- Тынгылагъан тынгы бузар.
- Мухар, кеси тойса да, кёзю тоймаз.
- Къар – келтирди, суу – элтди.
- Къонакъны къачан кетерин сорма, къачан келлигин сор.
- Ачыу алгъа келсе, акъыл артха къалады.
- Ойнай-ойнай кёз чыгъар.
- Ачыкъ джюрекге джол – ачыкъ.
- Джашлыкъ этмеген, башлыкъ этмез.
- Тойгъан джерге джети къайт.
- Кимни – тили, тиши онглу, кимни – къолу, иши онглу.
- Алим болгъандан эсе, адам болгъан къыйынды.
- Асхат ашлыкъ сата, юйдегиси ачдан къата.
- Иесиз малны бёрю ашар.
- Кёпюр салгъан кеси ётер, уру къазгъан кеси кетер.
- Ашхы тенг джолгъа салыр, аман тенг джолдан тайдырыр.
- Ишлемеген – тишлемез.
- Кёлю джокъну – джолу джокъ.
- Ариуну – ауруу кёб.
- Аджашханны ызындагъы кёреди, джангылгъанны джанындагъы биледи.
