- Адам сёзге тынгыла, акъыл сёзню ангыла.
- Айтылгъан буйрукъ, сёгюлмез
- Къайгъы тюбю – тенгиз.
- Сёз къанатсыз учар.
- Тойгъа алгъа да барма, тойда артха да къалма.
- Чабакъгъа акъыл, табагъа тюшсе келеди.
- Кирсизни – саны таза, халалны – къаны таза.
- Сабийликде юретмесенг, уллу болса – тюзелмез.
- Гугук кесини атын айтыб къычыргъанча, мен, мен деб нек тураса?
- Чарсда алчыны эл кёреди.
- Чомарт бергенин айтмаз.
- Этни да ашады, бетни да ашады.
- Ауругъаннга – кийик саулукъ, джетген къызгъа – чилле джаулукъ.
- Ёлген эшек бёрюден къоркъмайды.
- Ёзденликни кёбю ётюрюк.
- Къанны къан бла джуума, аманны аман бла къуума.
- Термилгенинги табмазса, кюлгенинге тюберсе.
- Бозанг болмагъан джерге, къалагъынгы сукъма.
- Джашынгы кесинг юретмесенг, джашау юретир.
- Дуния аламаты сен эсенг да, игиме деб айтма.
- Нёгер болсанг, тенг бол, тенг болмасанг, кенг бол.
- Аурууну келиую тынч, кетиую – къыйын.
- Арбаз къынгырды да, ийнек сауалмайма.
- Шекер бла туз – бир болмаз, ушамагъан – юй болмаз.
- Берекет берсин деген джерде, берекет болур.
- Экиндини кеч къылсанг, чабыб джетер ашхам.
- Кёрмегеннге кебек – танг, битмегеннге сакъал – танг.
- Ёпкелегенни ашы татлы болады.
- Башынга джетмегенни сорма.
- Кёб джашагъан – кёб билир.
- Эл ауузу – элия.
- Джукъу тёшек сайламайды.
- Азыкъ аз болса, эртде орун сал.
- Тели турса – той бузар.
- Тюз сёз баргъан сууну тыяр.
- Адеби болмагъан къыз – тузсуз хант.
- Агъач – джерни чырайы, кийим – эрни чырайы.
- Аман хансны – урлугъу кёб.
- Рысхысына кёре, джаш ёсер, къышлыгъына кёре, мал ёсер.
- Биреу ашаб къутулур, биреу джалаб тутулур.
- Джети тилни билген джети кишиди.
- Тилчи бир сагъатха айлыкъ хата этер.
- Адебсиз адам – джюгенсиз ат.
- Халкъны юйю – туугъан джери.
- От этилмеген джерден тютюн чыкъмайды.
- Тойгъанлыкъ къойгъа джарашады.
- Ойнаб айтсанг да, эслеб айт.
- Иги адам абынса да, джангылмаз.
- Айтылгъан сёз ызына къайтмаз.
- Ёлюк кебинсиз къалмаз.
Смешные курьезы, с которыми мы сталкиваемся по работе.
Читают тему (гостей: 1)