- Джашны джигитлиги сорулур, къызны джигерлиги сорулур.
- Ханнга да келеди хариблик.
- Къайгъыны сюйген, къайгъы табар.
- Къуллукъчума, деб махтанма, къуллукъ – хаух джамчыды!
- Тойгъан антын унутур.
- Ашаса, ашамаса да, бёрюню ауузу – къан.
- Кийимни бичсенг, кенг бич, тар этген къыйын тюлдю.
- Бек анасы джыламаз.
- Дуния малгъа сатылма, кесингден телиге къатылма.
- Кийиминг бла танылма, адамлыкъ бла таныл.
- Ашда уялгъан – мухар, ишде уялгъан – хомух.
- Тенги кёбню джау алмаз, акъылы кёбню дау алмаз.
- Ач отунчуну ачыуу – бурнунда.
- Джашлыкъ этмеген, башлыкъ этмез.
- Къартха ушагъан джаш – акъыллы, джашха ушагъан къарт – тели.
- Тил бла келеди джыр да.
- Дуния аламаты сен эсенг да, игиме деб айтма.
- Кечеси – аяз, кюню – къыш, джарлы къаргъагъа бир аш тюш!
- Ашлыкъны арба юйге келтирир, чана базаргъа элтир.
- Джылыгъа джылан илешир.
- Джахил болса анасы, не билликди баласы?
- Ачны эсинде – аш.
- Хар ишни да аллы къыйынды.
- Сютню башын джалагъан къутулур, тюбюн ичген тутулур.
- Къан бла кирген, джан бла чыгъар.
- Адамны аманы адамны бети бла ойнар.
- Кюл тюбюндеги от кёрюнмейди.
- Атынг аманнга чыкъгъандан эсе, джанынг тамагъынгдан чыкъсын.
- Иги – алгъыш этер, аман – къаргъыш этер.
- Кимни – тили, тиши онглу, кимни – къолу, иши онглу.
- Бети бедерден, намыс сакълама.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауругъан – джашаудан умутчу.
- Джаралыны джастыгъында сау ёлюр.
- Айтханы чапыракъдан ётмеген.
- Акъыллы айтыр эди, акъылсыз къоймайды.
- Аман киши кеси юйюнде – къонакъ.
- Къобан да къуру да къобханлай турмайды, адам да къуру да патчахлай турмайды.
- Азыкъ аз болса, эртде орун сал.
- Атлыны кёрсе, джаяуну буту талыр.
- Чёбню кёлтюрсенг, тюбюнден сёз чыгъар.
- Артына баргъанны, къатына барма.
- Джырчы джырчыгъа – къарнаш.
- Халкъны юйю – туугъан джери.
- Ишлегенде эринме, ишде чолакъ кёрюнме.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Башда акъыл болмаса, эки аякъгъа кюч джетер.
- Къыз тиширыу кеси юйюнде да къонакъды.
- Атлыны ашхысы, ат тизгининден билинир
- Мал ёлсе, сюек къалыр, адам ёлсе, иши къалыр.
Истории о Ходже Насреддине
21.01.2006 16:56:16
Ходжа напоил кошку бензином, кошка сделала пару шагов и упала.
"Наверно бензин кончился" - подумал Насреддин.
|
|
|
|
Читают тему (гостей: 1)