- Къызгъанчдан ычхыныр, мухардан ычхынмаз.
- Адам къаллай бир ишленмесе, аллай бир кесин уллу кёреди.
- Сибиртки да сыйлы болду, кюрек да кюнлю болду.
- Эллинг бла джау болсанг да, юйюнг бла джау болма.
- Ойнаб айтсанг да, эслеб айт.
- Къонакъ аман болса, къонакъбай джунчур
- Къайгъы тюбю – тенгиз.
- Къалгъан ишге къар джауар.
- Аллахдан тилесенг, кёб тиле.
- Аз сёлеш, кёб ишле.
- Иги болса, тамадама – махтау, аман болса, меннге – айыб.
- Аджал соруб келмез, келсе, къайтыб кетмез.
- Минг тенг да азды, бир джау да кёбдю.
- Акъыл къартда, джашда тюйюлдю – башдады.
- Тюзню ётмеги тюзде къалса да, тас болмаз.
- Бойнуму джети джерден кессенг да, мен ол ишни этеллик тюлме.
- Алтыда кюлмеген, алтмышда кюлмез.
- Адебни адебсизден юрен.
- Тешигини къатында, чычхан да батыр болур.
- Акъыллы айтыр эди, акъылсыз къоймайды.
- Уллу сёлешме да, уллу къаб.
- Билим насыб берир, билим джолну керир.
- Тешик этген тынчды, аны джамагъан къыйынды.
- Къызбайны юйюне дери сюрсенг, батыр болур.
- Агъач халкъгъа алтынды, иссиликге салкъынды.
- Сагъыш – къартлыкъгъа сюйюмчю.
- Джаралыны джастыгъында сау ёлюр.
- Экеулен сёлеше тура эселе, орталарына барыб кирме.
- Экеу тутушса, биреу джыгъылыр.
- Тин – байлыгъынг, терен саулугъунг.
- Таукел тауну аудурур.
- Аманнга алтын чыдамаз.
- Аууз сакълагъан – джан сакълар.
- Адамны сабийин сюйген джюреги, бычакъча, джитиди.
- Байдан умут эте, джарлыдан ёгюз багъасы къорады.
- Джети тилни билген джети кишиди.
- Кёбге таш атма.
- Джахил болса анасы, не билликди баласы?
- Къарыусузгъа кюлме, онгсузгъа тийме.
- Ариу сёз аурууунгу алыр.
- Джырчы ёлсе, джыры къалыр.
- От кюйдюрген, сау болса да, тот кюйдюрген, сау болмаз.
- Окъугъан – асыу, окъумагъан – джарсыу.
- Ач къалгъандан, кеч къалгъан къолай.
- Рысхысына кёре, джаш ёсер, къышлыгъына кёре, мал ёсер.
- Босагъа таш юйге кирмей эди, тыбыр таш эшикге чыкъмай эди.
- Биреуню тёрюнден, кесинги эшик артынг игиди.
- Уллу айтханны этмеген – уллаймаз.
- Бети – къучакълар, джюреги – бычакълар.
- Тойгъан джерден туугъан джер игиди.
"Поделиться с друзьями"
|
В новом портале это все будет)
|
|
|
|
|
|
А ещё... Создайте мобильную версию сайта. Я знаю, это вполне реально)
|
||||
|
|
|
|||
Читают тему (гостей: 1)