- Тил бла келеди джыр да.
- Кюл тюбюндеги от кёрюнмейди.
- Акъылсызны джууукъгъа алма, акъыллыны кенгнге салма.
- Эл бла кёргенинг эрелей.
- Аманнга алтын чыдамаз.
- Эте билген, этген этеди, эте билмеген, юретген этеди!
- Ауузу аманнга «иги», деме.
- Бети къызарыучу адамны, джюреги харам болмаз.
- Тили узунну, намысы – къысха.
- Эрине къаргъыш этген къатын, эрнин къабар.
- Этни бети бла шорпасы.
- Чакъырылмагъан къонакъ къачан кетерин сормаз.
- Ач, тоймам, дейди, тойгъан, ач болмам, дейди.
- Этни да ашады, бетни да ашады.
- Чомартны къолу берекет.
- Окъуу – билимни ачхычы, окъуу – дунияны бачхычы.
- Итли къонакъ джарашмаз.
- Къар – келтирди, суу – элтди.
- Махтаннган къыз, тойда джукълар.
- Бал чибинни ургъаны – ачы, балы – татлы.
- Айтылгъан буйрукъ, сёгюлмез
- Къралынгы – душмандан, башынгы от бла суудан сакъла.
- Узун джолну барсанг, бюгюн келирсе, къысха джолну барсанг, тамбла келирсе.
- Ачлыкъда тары гырджын халыуадан татлы.
- Адамгъа аман кюн соруб келмейди.
- Айран тёгюлсе, джугъусу къалыр.
- Экиндини кеч къылсанг, чабыб джетер ашхам.
- Уллу сёлешме да, уллу къаб.
- Эки къатын алгъан – эки ташны ортасына башын салгъан.
- Чёбню кёлтюрсенг, тюбюнден сёз чыгъар.
- Джюрек кёзден алгъа кёрюр.
- Къалгъан ишге къар джауар.
- Къарт бла баш аша, джаш бла аякъ аша.
- Халкъны юйю – туугъан джери.
- Сакъ юйюне сау барыр.
- Эшекге миннген – биринчи айыб, андан джыгъылгъан – экинчи айыб.
- Кийиминг бла танылма, адамлыкъ бла таныл.
- Окъугъан – асыу, окъумагъан – джарсыу.
- Акъыллы – эл иеси, тели – эл баласы.
- Ашына кёре табагъы, балына кёре къалагъы.
- Тойгъан антын унутур.
- Бир онгсуз адам адет чыгъарды, деб эштирик тюлсе.
- Аманны тукъумуна къарама, игини тукъумун сорма.
- Ёлген эшек бёрюден къоркъмайды.
- Адам сёзге тынгыла, акъыл сёзню ангыла.
- Эртде тургъан бла эртде юйленнген сокъуранмаз.
- Мени джылытмагъан кюн, меннге тиймесин!
- Ач – эснер, ат – кишнер.
- Джырчы ёлсе, джыры къалыр.
- Ачылгъан эт джабылыр, кёрген кёз унутмаз.
"Поделиться с друзьями"
|
В новом портале это все будет)
|
|
|
|
|
|
А ещё... Создайте мобильную версию сайта. Я знаю, это вполне реально)
|
||||
|
|
|
|||
Читают тему (гостей: 1)