- Кийимни бичсенг, кенг бич, тар этген къыйын тюлдю.
- Махтаннган къыз, тойда джукълар.
- Шапа кёб болса, аш татымсыз болур.
- Къонакъ аман болса, къонакъбай джунчур
- Байлыкъдан саулукъ ашхыды.
- Аманны къуугъан, аманлыкъ табар.
- Аманнга алтын чыдамаз.
- Джумушакъ сёз къаты таякъны сындырыр.
- Гугук кесини атын айтыб къычыргъанча, мен, мен деб нек тураса?
- Къобан да къуру да къобханлай турмайды, адам да къуру да патчахлай турмайды.
- Биреуню тёрюнден, кесинги эшик артынг игиди.
- Уллу атлама – абынырса, уллу къабма – къарылырса.
- Чомарт къонакъ юй иесин сыйлар.
- Тили узунну, намысы – къысха.
- От кюйдюрген, сау болса да, тот кюйдюрген, сау болмаз.
- Эл элде бирер малынг болгъандан эсе, бирер тенгинг болсун.
- Эртде тургъан бла эртде юйленнген сокъуранмаз.
- Тойну къарнашы – харс, джырны къарнашы – эжиу.
- Илму – джашауну джолу.
- Эрни эр этерик да, къара джер этерик да, тиширыуду.
- Джырчы джырчыгъа – къарнаш.
- Нёгер болсанг, тенг бол, тенг болмасанг, кенг бол.
- Тиширыусуз юй – отсуз от джагъа.
- Эртде тургъан джылкъычыны эркек аты тай табар.
- Тешигини къатында, чычхан да батыр болур.
- Кёз – сюйген джерде, къол – ауругъан джерде.
- Байдан умут эте, джарлыдан ёгюз багъасы къорады.
- Байма, деб да, къууанма, джарлыма, деб да, джылама.
- Терслик кетер, тюзлюк джетер.
- Джырчы ёлсе, джыры къалыр.
- Ашыкъгъанны этеги бутуна чырмалыр.
- Адамны бетине къарама, адетине къара.
- Ышармагъан – кюлмез, кюлмеген – къууанчны билмез.
- Азыгъы аз, алгъа къабар, аты аман, алгъа чабар.
- Ачлыкъда тары гырджын халыуадан татлы.
- Аман къатын алгъан, арыр, иги къатын алгъан джарыр.
- Бет бетге къараса, бет да джерге къарар.
- Ариу сёз – къылычдан джити.
- Игиге айтсанг – билир, аманнга айтсанг – кюлюр.
- Нарт сёз къарт болмаз.
- Чакъырылмагъан къонакъ тёрге атламаз.
- Иги сеники эсе да, сюйген кесимикин этеме.
- Аман къатын сабий табса, бий болур…
- Тешик этген тынчды, аны джамагъан къыйынды.
- Кёб къычыргъандан – къоркъма, тынч олтургъандан – къоркъ.
- Ойнай билмеген, оюн бузар.
- Къуллукъчума, деб махтанма, къуллукъ – хаух джамчыды!
- Уллу сёзде уят джокъ.
- Термилгенинги табмазса, кюлгенинге тюберсе.
- Джолунга кёре – джюрюшюнг, джагъанга кёре – юлюшюнг.
[ Закрыто ] Правила Форума
Читают тему (гостей: 1)