- Тыш элде солтан болгъандан эсе, кесинги элде олтан болгъан игиди!
- Тил – кесген бычакъ, сёз – атылгъан окъ.
- Эл тойса, тоймагъан, эл къойса, къоймагъан.
- Кёлю джокъну – джолу джокъ.
- Атлыны ашхысы, ат тизгининден билинир
- Тёрени джагъы джокъ.
- Ашхы атаны – джашы ашхы, ашхы ананы – къызы ашхы.
- Экеулен сёлеше тура эселе, орталарына барыб кирме.
- Урунуу – насыбны анасы.
- Хар сёзню орну барды.
- Къатыны харакетли болса, эри къымсыз болур.
- Хантына кёре тузу, юйюне кёре къызы.
- Ауурну тюбю бла, дженгилни башы бла джюрюген.
- Юйюнг бла джау болгъандан эсе, элинг бла джау бол.
- Асхат ашлыкъ сата, юйдегиси ачдан къата.
- Ишлемеген – тишлемез.
- Къарыусузгъа кюлме, онгсузгъа тийме.
- Эл элде бирер малынг болгъандан эсе, бирер тенгинг болсун.
- Джашлыкъ этмеген, башлыкъ этмез.
- Сёз сёзню айтдырыр.
- Иги – алгъыш этер, аман – къаргъыш этер.
- Ауузу бла къуш тута айланады.
- Иги сёз – джаннга азыкъ, аман сёз башха – къазыкъ.
- Ашда – бёрю, ишде – ёлю.
- Кёб джат да, бек чаб.
- Гырджын – тепсини тамадасы.
- Адамны артындан къара сабан сюрме.
- Ариу сёз – къылычдан джити.
- Ишленмеген джаш – джюгенсиз ат, ишленмеген къыз – тузсуз хант.
- Къуллукъчума, деб махтанма, къуллукъ – хаух джамчыды!
- Ауузу аманнга «иги», деме.
- Тас болгъан бычакъны сабы – алтын.
- Намыс болмагъан джерде, насыб болмаз.
- Юйюнгден чыкъдынг – кюнюнгден чыкъдынг.
- Кюн кёрмеген, кюн кёрсе, кюндюз чыракъ джандырыр.
- Кютгени беш эчки, сызгъыргъаны уа, джерни джарады.
- Къуру гыбыт бек дыгъырдар.
- Халкъны юйю – туугъан джери.
- Намысы болмагъанны, сыйы болмаз.
- Акъыл аздырмаз, билим тоздурмаз.
- Аман эсирсе, юйюн ояр.
- Ашхы тенг джолгъа салыр, аман тенг джолдан тайдырыр.
- Джыйырма къойну юч джыйырма эбзе кюте эди.
- Игиге айтсанг – билир, аманнга айтсанг – кюлюр.
- Кесинг сынамагъан затны, адамгъа буюрма.
- Азыгъы аз, алгъа къабар, аты аман, алгъа чабар.
- Сёз – кюмюш, джыр – алтын.
- Джумушакъ сёз къаты таякъны сындырыр.
- Мадар болса, къадар болур.
- Аурууну келиую тынч, кетиую – къыйын.
Старая песня о главном: темы в межличке
17.11.2009 06:02:04
[b:fa59d2928f]Gebo[/b:fa59d2928f], а где та грань? где вы для кого то станете:
|
|||
|
|
Читают тему (гостей: 1)