- Сютню башын джалагъан къутулур, тюбюн ичген тутулур.
- Хар зат кесини орнуна иги.
- Эки элинги тыйсанг, джети элде махталырса.
- Насыблы элин сюер, насыбсыз кесин сюер.
- Тешик этген тынчды, аны джамагъан къыйынды.
- Ауругъанны сау билмез, ач къарынны токъ билмез.
- Айыбны суу бла джууалмазса.
- Алтыннга тот къонмаз.
- Аз сёлешген, къайгъысыз турур.
- Босагъа таш юйге кирмей эди, тыбыр таш эшикге чыкъмай эди.
- Окъдан джара эртде-кеч болса да бителир, сёз джара, ёмюрге къалыр.
- Юреннген ауруу къалмаз.
- Баргъанынга кёре болур келгенинг.
- Келлик заман – къартлыкъ келтирир, кетген заман – джашлыкъ ёлтюрюр.
- Кюл тюбюндеги от кёрюнмейди.
- Иги адамны бир сёзю эки болмаз.
- Киштикге къанат битсе, чыпчыкъ къалмаз эди.
- Таукелге нюр джауар.
- Орундукъ тюбюнде атылсам да, орта джиликме, де да айлан.
- Ана – юйню кюн джарыгъы.
- Кёб ант этген, кёб ётюрюк айтыр.
- Хар адамгъа кеси миннген тау кибик.
- Эр абынмай, эл танымаз.
- Башынга джетмегенни сорма.
- Джан саулукъ бермей, сан саулукъ бермезсе.
- Кийиминг бла танылма, адамлыкъ бла таныл.
- Кёб джашагъан – кёб билир.
- Айтханы чапыракъдан ётмеген.
- Уллу къашыкъ эрин джыртар.
- Ауузу бла къуш тута айланады.
- Сескекли кесин билдирир.
- Малны кют, джерни тюрт.
- Джауумдан сора, кюн кюйдюрюр, ётюрюкден сора, айыб кюйдюрюр.
- Рысхы джалгъанды: келген да этер, кетген да этер.
- Борчунг бар эсе, хурджунунга ойлаб узал.
- Таякъ этден ётер, тил сюекден ётер.
- Ханы къызы буюгъа-буюгъа киштик болду.
- Акъыллы эркиши атын махтар, акъылсыз эркиши къатынын махтар.
- Биреуге аманлыкъ этиб, кесинге игилик табмазса.
- Къарт бла баш аша, джаш бла аякъ аша.
- Арбаз къынгырды да, ийнек сауалмайма.
- Джарлы тюеге минсе да, ит къабар.
- Ханнга да келеди хариблик.
- Эл ауузу – элия.
- Ашхы адам – халкъ байлыгъы, ашхы джер – джашау байлыгъы.
- Юйюнг бла джау болгъандан эсе, элинг бла джау бол.
- Намысы болмагъанны, сыйы болмаз.
- Ауругъаннга – кийик саулукъ, джетген къызгъа – чилле джаулукъ.
- Аман къатын алгъан, арыр, иги къатын алгъан джарыр.
- Аш хазыр болса, иш харам болур.
КАК СКАЧАТЬ МУЗЫКУ?
Читают тему (гостей: 1)