- Сабий кёргенин унутмаз.
- Шайтан алдады, тюзлюк къаргъады.
- Эринчекни эр алмаз, эр алса да, кёл салмаз, кёл салса да, кёб бармаз!
- Тешигини къатында, чычхан да батыр болур.
- Чабакъ башындан чирийди.
- Этни да ашады, бетни да ашады.
- Аман къатын сабий табса, бий болур…
- Тюзлюк шохлукъну бегитир.
- Бети къызарыучу адамны, джюреги харам болмаз.
- Джогъун бар этген, барын бал этген.
- Сормай – алма, чакъырылмай – барма.
- Керилген да, ургъан кибикди.
- Келинни – келгинчи, бёркню кийгинчи кёр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ойнай билмеген, уруб къачар.
- Сагъыш – къартлыкъгъа сюйюмчю.
- Джумушакъ сёз къаты таякъны сындырыр.
- Олтуруб кёрюнмей эди да, ёрге туруб кёрюне эди.
- Бастасын ашагъан, хантусун да ичер.
- Къыз келсе, джумуш эте келеди, къатын келсе, ушакъ эте келеди.
- Джашынгы кесинг юретмесенг, джашау юретир.
- Джылыгъа джылан илешир.
- Аджаллыгъа окъсуз шкок атылыр.
- Эринчекни аурууу – кёб.
- Уясында не кёрсе, учханында аны этер.
- Тилсиз миллет джокъ болур.
- Джыгъылгъанны сырты джерден тоймаз.
- Ёлген аслан – сау чычхан.
- Аллахдан тилесенг, кёб тиле.
- Сёз садакъдан кючлюдю.
- Чомарт къонакъ юй иесин сыйлар.
- Чакъырылмагъан къонакъ къачан кетерин сормаз.
- Намысы джокъну – дуниясы джокъ.
- Къартны бурнун сюрт да, оноугъа тут.
- Ёлген ийнек сютлю болур.
- Сабийни джумушха джибер да, ызындан бар.
- Ишлемеген – тишлемез.
- Адам сёзюнден белгили.
- Ана кёлю – балада, бала кёлю – талада.
- Ётюрюкден тюбю джокъ, кёлтюрюрге джиби джокъ.
- Билими азны – ауузунда кирит.
- Адам къыйынлыгъын кёлтюрюр, зауукълугъун кёлтюрмез.
- Аманны къуугъан, аманлыкъ табар.
- Босагъагъа джууукъ орун болса, ашыгъыб тёрге озма.
- Ётген ёмюр – акъгъан суу.
- Къыз тиширыу кеси юйюнде да къонакъды.
- Келлик заман – къартлыкъ келтирир, кетген заман – джашлыкъ ёлтюрюр.
- Джаным-тиним – окъуу, билим.
- Джерни букъусу кёкге къонмаз.
- Чабакъсыз кёлге къармакъ салгъанлыкъгъа, чабакъ тутмазса.
