- Босагъагъа джууукъ орун болса, ашыгъыб тёрге озма.
- Адамны бетине къарама, адетине къара.
- Ауузу аманнга «иги», деме.
- Ариу сёз – джаннга азыкъ, аман сёз – башха къазыкъ.
- Тили узунну, намысы – къысха.
- Атлыны ашхысы, ат тизгининден билинир
- Чакъырылмагъан джерге барма, чакъырылгъан джерден къалма.
- Билмегенинги, билгеннге сор.
- Чомарт бергенин айтмаз.
- Булут кёкге джарашыу, уят бетге джарашыу.
- Азыгъы аз, алгъа къабар, аты аман, алгъа чабар.
- Миллетни бойну – базыкъ, аны бла кюрешген – джазыкъ.
- Таукел тауну аудурур.
- Ауругъанны сау билмез, ач къарынны токъ билмез.
- Ашыкъгъанны этеги бутуна чырмалыр.
- Башсыз урчукъ тюзюне айланмаз.
- Джан саулукъ бермей, сан саулукъ бермезсе.
- Сабий кёргенин унутмаз.
- Биреу ашаб къутулур, биреу джалаб тутулур.
- Ёксюзню къалачы уллу кёрюнюр.
- Джарлы джети элни сёзюн этер.
- Тил – кесген бычакъ, сёз – атылгъан окъ.
- Джаш болсун, къыз болсун, акъылы, саны тюз болсун.
- Кесинг сынамагъан затны, адамгъа буюрма.
- Тил – миллетни джаны.
- Иги – алгъыш этер, аман – къаргъыш этер.
- Терслик кетер, тюзлюк джетер.
- Билгенни къолу къарны джандырыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Aдам боллукъ, сыфатындан белгили.
- Аманнга игилик этсенг, юйюнге сау бармазса.
- Адеб джокъда, намыс джокъ.
- Айран тёгюлсе, джугъусу къалыр.
- Къолунгдан къуймакъ ашатсанг да, атаны борчундан къутулмазса.
- Тик ёргени, тик энгишгеси да болады.
- Аз сёлешген, къайгъысыз турур.
- Айыбны суу бла джууалмазса.
- Къазанда болса, чолпугъа чыгъар.
- Адам сёзге тынгыла, акъыл сёзню ангыла.
- Къыз чыгъаргъан – къызыл къымжа.
- Къонакъ кёб келюучю юйню, къазаны отдан тюшмез.
- Алма терегинден кери кетмез.
- Орну джокъну – сыйы джокъ.
- Тойгъа алгъа да барма, тойда артха да къалма.
- Малны кют, джерни тюрт.
- Кесинге джетмегенни, кёб сёлешме.
- Аджашханны ызындагъы кёреди, джангылгъанны джанындагъы биледи.
- Арба аугъандан сора, джол кёргюзтюучю кёб болур.
- Ашда – бёрю, ишде – ёлю.
- Намыс болмагъан джерде, насыб болмаз.
