- Сабыр джетер муратха, сабырсыз къалыр уятха.
- Аман эсирсе, юйюн ояр.
- Иги сеники эсе да, сюйген кесимикин этеме.
- Айранын берсенг, челегин да къызгъанма.
- Уллу сёлешме да, уллу къаб.
- Къуру гыбыт бек дыгъырдар.
- Джигер – джаннга къыйынлыкъ.
- Адам къаллай бир ишленмесе, аллай бир кесин уллу кёреди.
- Мал тутхан – май джалар.
- Эки ойлашыб, бир сёлешген.
- Башы ишлегенни, ауузу да ишлер.
- Къыз тиширыу кеси юйюнде да къонакъды.
- Кёпюр салгъан кеси ётер, уру къазгъан кеси кетер.
- Тёрдеги кюлсе, эшикдеги ышарыр.
- Ариуну – ауруу кёб.
- Терек ауса, отунчу – кёб.
- Эр сокъур болсун, къатын тилсиз болсун.
- Джахил болса анасы, не билликди баласы?
- Къулакъдан эсе, кёзге ышан.
- Тил джюрекге джол ишлейди.
- Ариу сёзде ауруу джокъ.
- Эркиши – от, тиширыу – суу.
- Телиге акъыл салгъандан эсе, ёлгеннге джан салырса.
- Сютден ауузу кюйген, суугъа юфгюре эди.
- Къызгъанчдан ычхыныр, мухардан ычхынмаз.
- Нарт сёз къарт болмаз.
- Тай асырагъан, атха минер.
- Тёрени джагъы джокъ.
- Ачлыкъда тары гырджын халыуадан татлы.
- Къайгъы тюбю – тенгиз.
- Тынгылагъан тынгы бузар.
- Этни да ашады, бетни да ашады.
- Къартха ушагъан джаш – акъыллы, джашха ушагъан къарт – тели.
- Къонакъ аз олтурур, кёб сынар.
- Аш хазыр болса, иш харам болур.
- Аман адамны тепсинге олтуртсанг, къызынгы тилер.
- Зарда марда джокъ.
- Аманны эки битли тону болур, бирин сеннге кийдирир, бирин кеси киер.
- Къарнынг ауруса, ауузунгу тый
- Азыкъ аз болса, эртде орун сал.
- Ойнай билмеген, оюн бузар.
- Ишге юренсин къоллары, халкъ бла болсун джоллары.
- Акъыл къартда, джашда тюйюлдю – башдады.
- Келгинчи, къонакъ уялыр, келгенден сора, къонакъбай уялыр.
- Кирсизни – саны таза, халалны – къаны таза.
- Тюкюрюк баш джармаз, налат кёз чыгъармаз!
- Акъыл неден да кючлюдю.
- Экеулен сёлеше тура эселе, орталарына барыб кирме.
- Миллетни бойну – базыкъ, аны бла кюрешген – джазыкъ.
- Джангыз терек къынгыр ёсер.
Предлагаем работу в г. Пятигорске
Читают тему (гостей: 1)