- Чакъырылмай келген къонакъ сыйланмай кетер.
- Ач бёрюге мекям джокъ.
- Аман адамны тепсинге олтуртсанг, къызынгы тилер.
- Къоркъакъны кёзю экили кёрюр.
- Халкъны джырын джырласанг, халкъ санга эжиу этер.
- Рысхы – сют юсюнде кёмюк кибикди.
- Башы ишлегенни, ауузу да ишлер.
- Сабийни джумушха джибер да, ызындан бар.
- Экиндини кеч къылсанг, чабыб джетер ашхам.
- Ачны эсинде – аш.
- Билим ат болуб да чабар, къуш болуб да учар.
- Дууулдаса – бал чибин, къонса – къара чибин.
- Тил бла келеди джыр да.
- Ауурну тюбю бла, дженгилни башы бла джюрюген.
- Тёрде – темир таякълы, къаяда – чыпчыкъ аякълы.
- Кёзню ачылгъаны – иги, ауузну джабылгъаны – иги.
- Эринчекге кюн узун.
- Хаухну атма, ёнгкючню сатма.
- Сабий болмагъан джерде, мёлек болмаз.
- Нарт сёз къарт болмаз.
- Къартны сыйын кёрмеген, къартлыгъында сыйлы болмаз.
- Къызгъанчдан ычхыныр, мухардан ычхынмаз.
- Бети – къучакълар, джюреги – бычакълар.
- Чакъырылгъанны аты, чакъырылмагъанны багъасы болур.
- Ауузу бла къуш тута айланады.
- Гугук кесини атын айтыб къычыргъанча, мен, мен деб нек тураса?
- Арбаз къынгырды да, ийнек сауалмайма.
- Бозаны арты дауур болур.
- Эрине къаргъыш этген къатын, эрнин къабар.
- Тамчы таш тешер.
- Билген билмегенни юретген адетди.
- Ишлегенде эринме, ишде чолакъ кёрюнме.
- Элге къуллукъ этмеген, элге ие болмаз.
- Адам сёзге тынгыла, акъыл сёзню ангыла.
- Къолу уллу – асыу, аягъы уллу – джарсыу.
- Ауузу аманнга «иги», деме.
- Аджал соруб келмез, келсе, къайтыб кетмез.
- Къайгъы тюбю – тенгиз.
- Суу кетер, таш къалыр.
- Тамырсыз терекге таянма – джыгъылырса.
- Ишлерге уял да, ашаргъа табма.
- Уллу къазанда бишген эт, чий къалмаз.
- Тешигини къатында, чычхан да батыр болур.
- Иги болса, тамадама – махтау, аман болса, меннге – айыб.
- Акъыл аздырмаз, билим тоздурмаз.
- Билмезни кёзю кёрмез, этмезни къулагъы эшитмез.
- Сакъламагъан затынга джолукъсанг, не бек къууанаса, не бек ачыйса.
- Акъыллы башны – тили къысха.
- Кёб ант этген, кёб ётюрюк айтыр.
- Терслик кетер, тюзлюк джетер.
Предлагаем работу в г. Пятигорске
Читают тему (гостей: 1)