- Мал кёб болса, джууукъ кёб болур.
- Айырылгъанланы айю ашар, бёлюннгенлени бёрю ашар.
- Эринчекни аурууу – кёб.
- Рысхы – сют юсюнде кёмюк кибикди.
- Арбаз къынгырды да, ийнек сауалмайма.
- Ишин билген, аны сыйын чыгъарады.
- Къыйынлы джети элни къайгъысын этер.
- Окъугъан озар, окъумагъан тозар.
- Эки ойлашыб, бир сёлешген.
- Иги бла джюрюсенг, джетерсе муратынга, аман бла джюрюсенг, къалырса уятха.
- Биреу къой излей, биреу той излей.
- Ашхы сёз таш тешер.
- Ашатыргъа иш – ашхы, ишлетирге аш – ашхы.
- Айтылгъан буйрукъ, сёгюлмез
- Аманны эки битли тону болур, бирин сеннге кийдирир, бирин кеси киер.
- Тойгъа барсанг, тоюб бар, эски тонунгу къоюб бар.
- Къатын къылыкъсыз, эр тынчлыкъсыз.
- Ариу сёз – къылычдан джити.
- Илму – джашауну джолу.
- Ач да бол, токъ да бол – намысынга бек бол.
- Тамырсыз терекге таянма – джыгъылырса.
- Уллу суу бла уллу ауруудан башынгы сакъла.
- Джашда акъыл джокъ, къартда къарыу джокъ.
- Аманны къуугъан, аманлыкъ табар.
- Тилсиз миллет джокъ болур.
- Ёксюзню тилеги къабыл болур.
- Сёлеш деб шай берген, тохта деб, сом берген.
- Башда акъыл болмаса, эки аякъгъа кюч джетер.
- Уллу айтханны этмеген – уллаймаз.
- Артына баргъанны, къатына барма.
- Къартны бурнун сюрт да, оноугъа тут.
- Ашлыкъны арба юйге келтирир, чана базаргъа элтир.
- Тюз сёз баргъан сууну тыяр.
- Иши джокъну, сыйы джокъ.
- Таула не мийик болсала да, аууш табылыр.
- Алтыда кюлмеген, алтмышда кюлмез.
- Адам къыйынлыгъын кёлтюрюр, зауукълугъун кёлтюрмез.
- Тамчы таш тешер.
- Аман хансны – урлугъу кёб.
- Чабар ат – джетген къыз.
- Ёзденликни джайгъан – джокълукъ.
- Джогъун бар этген, барын бал этген.
- Ачыкъ джюрекге джол – ачыкъ.
- Эрни эр этерик да, къара джер этерик да, тиширыуду.
- Кенгеш болса, уруш болмаз.
- Адамны адамлыгъы къыйынлыкъда айгъакъланады.
- Ашын ашагъанынгы, башын да сыйла.
- Къулакъдан эсе, кёзге ышан.
- Сабыр джетер муратха, сабырсыз къалыр уятха.
- Зар адамны насыбы болмаз.
