- Къоркъакъны кёзю экили кёрюр.
- Бет бетге къараса, бет да джерге къарар.
- Ёлген аслан – сау чычхан.
- Билимли ёлмез, билимсиз кёрмез.
- Ишге юренсин къоллары, халкъ бла болсун джоллары.
- Сууда джау джокъ, кёб сёзде магъана джокъ.
- Джюрекге ариу – кёзге да ариу.
- Нарт сёз – тилни бети.
- Халкъгъа джарагъан, джарлы къалмаз.
- Хантына кёре тузу, юйюне кёре къызы.
- Ауругъаннга – кийик саулукъ, джетген къызгъа – чилле джаулукъ.
- Билим къая тешер.
- Бек анасы джыламаз.
- Чакъырылмай келген къонакъ сыйланмай кетер.
- Къартха ушагъан джаш – акъыллы, джашха ушагъан къарт – тели.
- Къумурсхала джыйылсала, пилни да джыгъадыла.
- Билими азны – ауузунда кирит.
- Ёзденликни джайгъан – джокълукъ.
- Эринчекни аурууу – кёб.
- Ашын ашагъанынгы, башын да сыйла.
- Миллетни бойну – базыкъ, аны бла кюрешген – джазыкъ.
- Таукел къуру къалмаз.
- Хазыр ашха – терен къашыкъ.
- Келгинчи, къонакъ уялыр, келгенден сора, къонакъбай уялыр.
- Минг тенг да азды, бир джау да кёбдю.
- Аджал соруб келмез, келсе, къайтыб кетмез.
- Ата Джуртча джер болмаз, туугъан элча эл болмаз.
- Харам къарнашдан, халал тенг ашхы.
- Мал тутхан – май джалар.
- Ариуну – ауруу кёб.
- Ётген ёмюр – акъгъан суу.
- Къарнынг бла ёч алма.
- Эки элинги тыйсанг, джети элде махталырса.
- Къонакъ кёб келюучю юйню, къазаны отдан тюшмез.
- Уясында не кёрсе, учханында аны этер.
- Ачыкъ джюрекге джол – ачыкъ.
- Ана къойну – балагъа джандет.
- Ашыкъгъан cуу, тенгизге джетмез.
- Ата – баланы уясы.
- Насыблы элин сюер, насыбсыз кесин сюер.
- Чакъырылмагъан къонакъ тёрге атламаз.
- Акъыллы эркиши атын махтар, акъылсыз эркиши къатынын махтар.
- Къатын къылыкъсыз, эр тынчлыкъсыз.
- Аджашханны ызындагъы кёреди, джангылгъанны джанындагъы биледи.
- Ашхы болсанг, атынг чыгъар, аман болсанг, джанынг чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Къызгъанчдан ычхыныр, мухардан ычхынмаз.
- Къарын къуру болса, джюрек уру болур.
- Аякъларынгы джууургъанынга кёре узат.
- Чомарт къолда мал къалмаз.
Очень нужна помощь
04.08.2011 12:43:59
кто знает хорошего онколога?
Необходимо обследование.
|
|
|
|
Читают тему (гостей: 1)