- Ёлген эшек бёрюден къоркъмайды.
- Ашхы атаны – джашы ашхы, ашхы ананы – къызы ашхы.
- Иги болса, тамадама – махтау, аман болса, меннге – айыб.
- Тилсиз миллет джокъ болур.
- Акъыл сабырлыкъ берир.
- Тил джюрекге джол ишлейди.
- Эшекни не къадар тюйсенг да, ат болмаз.
- Аллахдан тилесенг, кёб тиле.
- Ач уят къоймаз.
- Таш ата билмеген, башына урур.
- Нёгерсизни джолу узун.
- Къарнынг бла ёч алма.
- Халкъгъа джарагъан, джарлы къалмаз.
- Кеси юйюмде мен да ханма.
- Кийим тукъум сордурур.
- Таукел къуру къалмаз.
- Намыс сатылыб алынмайды.
- Сютден ауузу кюйген, суугъа юфгюре эди.
- Эрине къаргъыш этген къатын, эрнин къабар.
- Сагъыш – къартлыкъгъа сюйюмчю.
- Къолунгдан къуймакъ ашатсанг да, атаны борчундан къутулмазса.
- Адебсиз адам – джюгенсиз ат.
- Джол бла сёзню къыйыры джокъ.
- Борчунг бар эсе, хурджунунга ойлаб узал.
- Баланы адам этген анады.
- Къоркъакъны кёзю экили кёрюр.
- Байлыкъ тауусулур, билим тауусулмаз.
- Тилде сюек болмаса да, сюек сындырыр.
- Къызын тута билмеген, тул этер, джашын тута билмеген, къул этер.
- Ариу сёз – джаннга азыкъ, аман сёз – башха къазыкъ.
- Хоншуну тауугъу къаз кёрюнюр, келини къыз кёрюнюр.
- Тешик этген тынчды, аны джамагъан къыйынды.
- Эте билген, этген этеди, эте билмеген, юретген этеди!
- Юйлю уругъа ит чабмаз.
- Ач къарынны, токъ билмез
- Келлик заман – къартлыкъ келтирир, кетген заман – джашлыкъ ёлтюрюр.
- Къолу уллу – асыу, аягъы уллу – джарсыу.
- Къыз тиширыу кеси юйюнде да къонакъды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишлемеген – тишлемез.
- Мадар болса, къадар болур.
- Башы джабылгъан челекге, кир тюшмез.
- Рысхы – сют юсюнде кёмюк кибикди.
- Азыгъы аз, алгъа къабар, аты аман, алгъа чабар.
- Хар сёзню орну барды.
- Айтхан – тынч, этген – къыйын.
- Джырына кёре эжиую.
- Джаным-тиним – окъуу, билим.
- Танг атмайма десе да, кюн къоярыкъ тюйюлдю.
- Ёлмесенг да, къарт дамы болмазса?
