- Ойнай билмеген, уруб къачар.
- Терек ауса, отунчу – кёб.
- Адам къыйынлыгъын кёлтюрюр, зауукълугъун кёлтюрмез.
- Тиширыусуз юй – отсуз от джагъа.
- Чомарт бергенин айтмаз.
- Накъырда – кертини келечиси.
- Ишни аллы бла къууанма да, арты бла къууан.
- Тамбла алтындан бюгюн багъыр ашхы.
- «Ма», - дегенни билмесенг, «бер», - дегенни билмезсе.
- Элиб деген, элге болушур.
- Эркиши – от, тиширыу – суу.
- Окъумагъан сокъурду, сокъур ташха абыныр!
- Эм ашхы къайын ана мамукъ бла башынгы тешер.
- Ёзденликни джайгъан – джокълукъ.
- Асхат ашлыкъ сата, юйдегиси ачдан къата.
- Иги адамны бир сёзю эки болмаз.
- Ачыу алгъа келсе, акъыл артха къалады.
- Мураты болгъанны джюрек тебюую башхады.
- Кюлме джашха – келир башха.
- Ёлген аслан – сау чычхан.
- Ауузу бла къуш тута айланады.
- От этилмеген джерден тютюн чыкъмайды.
- Ишге юренсин къоллары, халкъ бла болсун джоллары.
- Ёгюзню мюйюзюнден тутадыла, адамны сёзюнден тутадыла.
- Къуру гыбыт бек дыгъырдар.
- Джылар джаш, атасыны сакъалы бла ойнар.
- Байлыкъ тауусулур, билим тауусулмаз.
- Таш ата билмеген, башына урур.
- Ашлыкъ – бюртюкден, джюн – тюкден.
- Эл элде бирер малынг болгъандан эсе, бирер тенгинг болсун.
- Бети къызарыучу адамны, джюреги харам болмаз.
- Джарлы джети элни сёзюн этер.
- Джаз бир кюнню джатсанг, къыш талай кюнню абынырса.
- Тешик этген тынчды, аны джамагъан къыйынды.
- Тёрде – темир таякълы, къаяда – чыпчыкъ аякълы.
- Байны къызы баймакъ болса да, юйде къалмаз!
- Ашарыкъда сайлагъаннга – чий гырджын.
- Намысы болмагъанны, сыйы болмаз.
- Тай асырагъан, атха минер.
- Ач, тоймам, дейди, тойгъан, ач болмам, дейди.
- Агъач – джерни чырайы, кийим – эрни чырайы.
- Аманнга алтын чыдамаз.
- Аз сёлешген, къайгъысыз турур.
- Джерни букъусу кёкге къонмаз.
- Эркишиге тары кебек танг кёрюнюр.
- Кесинг сынамагъан затны, адамгъа буюрма.
- Кёб къычыргъандан – къоркъма, тынч олтургъандан – къоркъ.
- Аллахха ийнаннган кишини, Аллах онгдурур ишин.
- Арпа, будай – ащды, алтын, кюмюш а – ташды.
- Келинин тута билмеген, къул этер, къызын тута билмеген, тул этер.
