- Ариу сёз аурууунгу алыр.
- Ёмюрлюк шохлукъну джел элтмез.
- Сакъалы текени да бар, мыйыгъы киштикни да бар.
- Таукел къуру къалмаз.
- Эки элинги тыйсанг, джети элде махталырса.
- Ашда – бёрю, ишде – ёлю.
- Къолунгдан къуймакъ ашатсанг да, атаны борчундан къутулмазса.
- Гугук кесини атын айтыб къычыргъанча, мен, мен деб нек тураса?
- Адебсиз адам – джюгенсиз ат.
- Акъыл къартда, джашда тюйюлдю – башдады.
- Къарнынг къанлынга кийирир.
- Айтхан сёзюне табылгъан.
- Намысы болмагъанны, сыйы болмаз.
- Алим болгъандан эсе, адам болгъан къыйынды.
- Юй кюйдю да, кюйюз чыкъды, ортасындан тюйюш чыкъды.
- Къонагъынгы артмагъын алма да, алгъышын ал.
- Окъуу – билимни ачхычы, окъуу – дунияны бачхычы.
- Биреу ашаб къутулур, биреу джалаб тутулур.
- Ашда уялгъан – мухар, ишде уялгъан – хомух.
- Уллу айтханны этмеген – уллаймаз.
- Ёлюк кебинсиз къалмаз.
- Душманны тышы – акъ, ичи – къара.
- Къызбайны юйюне дери сюрсенг, батыр болур.
- Джыгъылгъанны сырты джерден тоймаз.
- От кюйдюрген, сау болса да, тот кюйдюрген, сау болмаз.
- Джумушакъ сёз къаты таякъны сындырыр.
- Иши джокъну, сыйы джокъ.
- Тыш элде солтан болгъандан эсе, кесинги элде олтан болгъан игиди!
- Юй ишлеген балта эшикде къалыр.
- Сёз къанатсыз учар.
- Орну джокъну – сыйы джокъ.
- Ач, тоймам, дейди, тойгъан, ач болмам, дейди.
- Сютню башын джалагъан къутулур, тюбюн ичген тутулур.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашха уста, юйюнде болсун
- Эринчекге кюн узун.
- Бал – татлы, балдан да бала – татлы.
- Таугъа чыгъаллыкъ эсенг, тюзде къалма.
- Адам къаллай бир ишленмесе, аллай бир кесин уллу кёреди.
- Тулпарлыкъ, билекден тюл – джюрекден.
- Аман адам элни бир-бирине джау этер.
- Сакъламагъан затынга джолукъсанг, не бек къууанаса, не бек ачыйса.
- Байны къызы баймакъ болса да, юйде къалмаз!
- Керек ташны ауурлугъу джокъ.
- Иги джашны ышаны – аз сёлешиб, кёб тынгылар.
- Эртде тургъан джылкъычыны эркек аты тай табар.
- Ауузу аманнга «иги», деме.
- Биреуню эскиси биреуге джангы болмайды.
- Чакъырылгъанны аты, чакъырылмагъанны багъасы болур.
- Къуру гыбыт бек дыгъырдар.
ПИКЕТЫ В ПОДДЕРЖКУ АКСАКАЛОВ НА МАНЕЖКЕ!
20.11.2010 03:35:21
Еще раз, ОГРОМНАЯ ПРОСЬБА всем прийти и сообщить своим друзьям и знакомым!
|
||||
|
|
|||
Читают тему (гостей: 1)