Билим ат болуб да чабар, къуш болуб да учар.
Рысхы – насыбха къор.
Окъуу – билимни ачхычы, окъуу – дунияны бачхычы.
Кийиминг бла танылма, адамлыкъ бла таныл.
Чомарт къонакъ юй иесин сыйлар.
Къарт болгъан джерде, берекет болур, сабий болгъан джерде, оюн болур.
Тилчиден кери бол.
Хантына кёре тузу, юйюне кёре къызы.
Джети тилни билген джети кишиди.
Кютгени беш эчки, сызгъыргъаны уа, джерни джарады.
Ханнга да келеди хариблик.
Ач келгенни – тойдур, кеч келгенни – къондур.
Чалманны аллы къалай башланса, арты да алай барады.
Уллу сёлешме да, уллу къаб.
Бетинги сатма, малынгы сат.
Джюрекден джюрекге джол барды.
Хоншуну тауугъу къаз кёрюнюр, келини къыз кёрюнюр.
Бет бетге къараса, бет да джерге къарар.
Хар адамгъа кеси миннген тау кибик.
Джарлы эскисин джамаса, къууаныр.
Юй ишлеген балта эшикде къалыр.
Ат басханны джер билед.
Ата Джуртча джер болмаз, туугъан элча эл болмаз.
Керти сёзге тёре джокъ.
От этилмеген джерден тютюн чыкъмайды.
Аз сёлешген, къайгъысыз турур.
Тау башында, тау болмаз, джангыз терек, бау болмаз.
Къуллукъчума, деб махтанма, къуллукъ – хаух джамчыды!
Ургъан суудан башынгы сакъла.
Кюл тюбюндеги от кёрюнмейди.
Сабийни джумушха джибер да, ызындан бар.
Къуру гыбыт бек дыгъырдар.
Акъыл къартда, джашда тюйюлдю – башдады.
Мухарны эси – ашарыкъда.
Эринчекни эр алмаз, эр алса да, кёл салмаз, кёл салса да, кёб бармаз!
Арпа, будай – ащды, алтын, кюмюш а – ташды.
Ойнай билмеген, уруб къачар.
Таякъ этден ётер, тил сюекден ётер.
Алгъанда – джууукъ, бергенде – джау.
Тик ёргени, тик энгишгеси да болады.
Алма терегинден кери кетмез.
Аз сёлеш, кёб ишле.
Орундукъ тюбюнде атылсам да, орта джиликме, де да айлан.
Терек ауса, отунчу – кёб.
Гугурук къычырмаса да, тангны атары къалмаз.
Аман киши кеси юйюнде – къонакъ.
Джумушакъ терекни къурт ашар.
Юйюнг бла джау болгъандан эсе, элинг бла джау бол.
Ата Джуртун танымагъан, атасын да танымаз.
Башсыз урчукъ тюзюне айланмаз.
