- Тойгъан джерге джети къайт.
- Къалгъан ишге къар джауар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джогъун бар этген, барын бал этген.
- Агъач халкъгъа алтынды, иссиликге салкъынды.
- Ашарыкъда сайлагъаннга – чий гырджын.
- Башы ишлегенни, ауузу да ишлер.
- Кёбден умут этиб, аздан къуру къалма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джаным-тиним – окъуу, билим.
- Сагъыш – къартлыкъгъа сюйюмчю.
- Терек ауса, отунчу – кёб.
- Къуру гыбыт бек дыгъырдар.
- Айтылгъан буйрукъ, сёгюлмез
- Эртде тургъан джылкъычыны эркек аты тай табар.
- Къолу уллу – асыу, аягъы уллу – джарсыу.
- Тюзню ётмеги тюзде къалса да, тас болмаз.
- Ауузу аманнга «иги», деме.
- Уллу къашыкъ эрин джыртар.
- Ёлген аслан – сау чычхан.
- Эл элде бирер малынг болгъандан эсе, бирер тенгинг болсун.
- Ач къарынны, токъ билмез
- Ата джурт – алтын бешик.
- Кёкдеги болмаса, джердегин кёрмейди.
- Оюмсуз атлагъан, аджалсыз ёлюр.
- Джылыгъа джылан илешир.
- Азыкъ аз болса, эртде орун сал.
- Сабий кёргенин унутмаз.
- Билмегенинги, билгеннге сор.
- Билимли ёлмез, билимсиз кёрмез.
- Къайтырыкъ эшигинги, къаты уруб чыкъма.
- Кирсизни – саны таза, халалны – къаны таза.
- Башы джабылгъан челекге, кир тюшмез.
- Къызын тута билмеген, тул этер, джашын тута билмеген, къул этер.
- Къонакъ болсанг, ийнакъ бол.
- Таш ата билмеген, башына урур.
- Аурууну келиую тынч, кетиую – къыйын.
- Къарнынг бла ёч алма.
- Минг тенг да азды, бир джау да кёбдю.
- Бет бетге къараса, бет да джерге къарар.
- Тешик этген тынчды, аны джамагъан къыйынды.
- Джарлы джети элни сёзюн этер.
- Хаухну атма, ёнгкючню сатма.
- Эртде тургъан бла эртде юйленнген сокъуранмаз.
- Ушамагъан – джукъмаз.
- Ётюрюкчюню шагъаты – къатында.
- Аякъларынгы джууургъанынга кёре узат.
- Битмегеннге сакъал – танг.
- Эм ашхы къайын ана мамукъ бла башынгы тешер.
- Чёбню кёлтюрсенг, тюбюнден сёз чыгъар.
Прошел Вечер, посвященный творчеству Кязима Мечиева! Алматы
Читают тему (гостей: 1)