- Бал ашаргъа сюе эсенг, чибин ургъаннга тёз.
- Атлыны ашхысы, ат тизгининден билинир
- Бозаны арты дауур болур.
- Башланнган иш битер, къымылдагъан тиш тюшер.
- Джаш болсун, къыз болсун, акъылы, саны тюз болсун.
- Бёрю да ач къалмасын, эчки да ашалмасын.
- Джылкъыдан – ат чыгъар, тукъумдан – джаш чыгъар.
- Къобан да къуру да къобханлай турмайды, адам да къуру да патчахлай турмайды.
- Ашарыкъда сайлагъаннга – чий гырджын.
- Ишленмеклик адамлыкъды.
- Ашхы адам – халкъ байлыгъы, ашхы джер – джашау байлыгъы.
- Булут кёкге джарашыу, уят бетге джарашыу.
- Биреу ашаб къутулур, биреу джалаб тутулур.
- Къарыусузгъа кюлме, онгсузгъа тийме.
- Иги болса, тамадама – махтау, аман болса, меннге – айыб.
- Татлы тилде – сёз ариу, чемер къолда – иш ариу.
- Ашха уста, юйюнде болсун
- Чомартха хар кюн да байрамды.
- Таукел тауну аудурур.
- Айраннга суу къош, телиге джол бош.
- Окъуу – билимни ачхычы, окъуу – дунияны бачхычы.
- Кесинге джетмегенни, кёб сёлешме.
- Адамны сыфатына къарама, сёзюне къара.
- Ёлген ийнек сютлю болур.
- Ачны эсинде – аш.
- Артына баргъанны, къатына барма.
- Огъурлуну сёзю – суу, огъурсузну сёзю – уу.
- Тил – миллетни джаны.
- Адамны джюреги нени кёрюрге сюйсе, кёзю да аны кёрюрге ёч болады.
- Ёлюк кебинсиз къалмаз.
- Чыкълы кюнде чыкъмагъан, чыкъса къуру кирмеген.
- Байма, деб да, къууанма, джарлыма, деб да, джылама.
- Уллу къазанда бишген эт, чий къалмаз.
- Джарашыу сюйген – джалынчакъ.
- Бир абыннган – минг сюрюнюр.
- Ёксюзню тилеги къабыл болур.
- Аман адам этегингден тутса, кес да къач.
- Асхат ашлыкъ сата, юйдегиси ачдан къата.
- Къазанда болса, чолпугъа чыгъар.
- Байлыкъ тауусулур, билим тауусулмаз.
- Джырчы джырчыгъа – къарнаш.
- Абынмазлыкъ аякъ джокъ, джангылмазлыкъ джаякъ джокъ.
- Эки къатын алгъан – эки ташны ортасына башын салгъан.
- Керти сёзге тёре джокъ.
- Баргъанынга кёре болур келгенинг.
- Татлы сёз – балдан татлы.
- Ишленмеген джаш – джюгенсиз ат, ишленмеген къыз – тузсуз хант.
- Аш кетер да бет къалыр.
- Ишге юренсин къоллары, халкъ бла болсун джоллары.
- Ариу сёз – къылычдан джити.
СРОЧНО!!! ТРЕБУЕТСЯ ПОМОЩЬ!!!
|
мрак
 ) |
||||
|
|
|
|||
Читают тему (гостей: 1)