- Ат да турмайды бир териде.
- Джюрекге ариу – кёзге да ариу.
- Тюзлюк тас болмайды.
- Тас болгъан бычакъны сабы – алтын.
- Аууздан келген, къолдан келсе, ким да патчах болур эди.
- Байны оноуу, джарлыгъа джарамаз.
- Ашда – бёрю, ишде – ёлю.
- Джахил болса анасы, не билликди баласы?
- Адамгъа аман кюн соруб келмейди.
- Чалманны аллы къалай башланса, арты да алай барады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таукел къуру къалмаз.
- Окъугъанны бети джарыкъ.
- Булут кёкге джарашыу, уят бетге джарашыу.
- Башда акъыл болмаса, эки аякъгъа кюч джетер.
- Ауузу аманнга «иги», деме.
- Кечеси – аяз, кюню – къыш, джарлы къаргъагъа бир аш тюш!
- Игилик игилик бла сингдирилиучю затды.
- Кютгени беш эчки, сызгъыргъаны уа, джерни джарады.
- Башы ишлегенни, ауузу да ишлер.
- Кюн кёрмеген, кюн кёрсе, кюндюз чыракъ джандырыр.
- Ач уят къоймаз.
- Нёгерсизни джолу узун.
- Ариу сёзде ауруу джокъ.
- Къарнынг къанлынга кийирир.
- «Ма», - дегенни билмесенг, «бер», - дегенни билмезсе.
- Джашлыкъ этмеген, башлыкъ этмез.
- Адеб базарда сатылмаз.
- Ишни ахырын ойламай, аллын башлама.
- Джигер – джаннга къыйынлыкъ.
- Ач къалгъандан, кеч къалгъан къолай.
- Адамны адамлыгъы къыйынлыкъда айгъакъланады.
- Бети къызарыучу адамны, джюреги харам болмаз.
- Джырына кёре эжиую.
- Джерни букъусу кёкге къонмаз.
- Къонагъынгы артмагъын алма да, алгъышын ал.
- Эшекге миннген – биринчи айыб, андан джыгъылгъан – экинчи айыб.
- Бетинги сатма, малынгы сат.
- Сагъыш – къартлыкъгъа сюйюмчю.
- Джарашыу сюйген – джалынчакъ.
- Юйлю уругъа ит чабмаз.
- Сёз къанатсыз учар.
- Адамны сыфатына къарама, сёзюне къара.
- Иги адамны бир сёзю эки болмаз.
- Сёз садакъдан кючлюдю.
- Къазанчы аман болса, къазаны къайнамаз.
- Суугъа – таянма, джаугъа – ийнанма.
- Огъурлуну сёзю – суу, огъурсузну сёзю – уу.
- Чомартны къолу берекет.
- Ата – баланы уясы.
СРОЧНО!!! ТРЕБУЕТСЯ ПОМОЩЬ!!!
|
мрак
 ) |
||||
|
|
|
|||
Читают тему (гостей: 1)