- Эшекге миннген – биринчи айыб, андан джыгъылгъан – экинчи айыб.
- Биреу ашаб къутулур, биреу джалаб тутулур.
- Адеб джокъда, намыс джокъ.
- Керти сёзге тёре джокъ.
- Рысхысына кёре, джаш ёсер, къышлыгъына кёре, мал ёсер.
- Окъдан джара эртде-кеч болса да бителир, сёз джара, ёмюрге къалыр.
- Рысхы – насыбха къор.
- Арыгъан къош чамчы болур.
- Байдан умут эте, джарлыдан ёгюз багъасы къорады.
- Берекет берсин деген джерде, берекет болур.
- Ариу сёз джыланны орнундан чыгъарыр.
- Ашда – бёрю, ишде – ёлю.
- Ат да турмайды бир териде.
- Мен да «сен», дейме, сен да «кесим», дейсе.
- Аман эсирсе, юйюн ояр.
- Къанны къан бла джуума, аманны аман бла къуума.
- Сютню башын джалагъан къутулур, тюбюн ичген тутулур.
- Аманнга алтын чыдамаз.
- Онгсузну – джакъла, тенгликни – сакъла.
- Кютгени беш эчки, сызгъыргъаны уа, джерни джарады.
- Уллу атлама – абынырса, уллу къабма – къарылырса.
- Адам сёзюнден белгили.
- Гитче джилтин уллу элни джандырыр.
- Халкъны джырын джырласанг, халкъ санга эжиу этер.
- Аджалсыз ёлюм болмаз.
- Ачыу алгъа келсе, акъыл артха къалады.
- Джылыгъа джылан илешир.
- Тау башында, тау болмаз, джангыз терек, бау болмаз.
- Бал ашаргъа сюе эсенг, чибин ургъаннга тёз.
- Джюрекге ариу – кёзге да ариу.
- Къонакъ кёб келюучю юйню, къазаны отдан тюшмез.
- Тойгъанлыкъ къойгъа джарашады.
- Ач бёрюге мекям джокъ.
- Ишленмеген джаш – джюгенсиз ат, ишленмеген къыз – тузсуз хант.
- Махтаннган къыз, тойда джукълар.
- Кимни – тили, тиши онглу, кимни – къолу, иши онглу.
- Сакъламагъан затынга джолукъсанг, не бек къууанаса, не бек ачыйса.
- Къоркъакъны кёзю экили кёрюр.
- Тил – кесген бычакъ, сёз – атылгъан окъ.
- Билеги кючлю, бирни джыгъар, билими кючлю, мингни джыгъар.
- Кёкдеги болмаса, джердегин кёрмейди.
- Кеси юйюмде мен да ханма.
- Акъыл бла адеб эгизледиле.
- Термилгенинги табмазса, кюлгенинге тюберсе.
- Аш иеси бла татлыды.
- Тик ёргени, тик энгишгеси да болады.
- Ишге юренсин къоллары, халкъ бла болсун джоллары.
- Тилде сюек болмаса да, сюек сындырыр.
- Мал кёб болса, джууукъ кёб болур.
- Аманнга да, игиге да оноусуз къатышма.
Внимание! Круглый стол: Современное состояние родного языка!
Читают тему (гостей: 1)