- Мухарны эси – ашарыкъда.
- Хата – гитчеден.
- Эм ашхы къайын ана мамукъ бла башынгы тешер.
- Битмегеннге сакъал – танг.
- Къонагъынгы артмагъын алма да, алгъышын ал.
- Адам къыйынлыгъын кёлтюрюр, зауукълугъун кёлтюрмез.
- Таукел къуру къалмаз.
- Къар – келтирди, суу – элтди.
- Бети бедерден, намыс сакълама.
- Къайгъы тюбю – тенгиз.
- Тенгни тенглиги джашай барсанг билинир.
- Тик ёргени, тик энгишгеси да болады.
- Билмегенинги, билгеннге сор.
- Кёпюр салгъан кеси ётер, уру къазгъан кеси кетер.
- Ана къолу ачытмаз.
- Нафысынгы айтханын этме, намысынгы айтханын эт.
- Сёз – кюмюш, джыр – алтын.
- Олтуруб кёрюнмей эди да, ёрге туруб кёрюне эди.
- Джаш къарыу бла кючлю, къарт акъыл бла кючлю.
- Окъдан джара эртде-кеч болса да бителир, сёз джара, ёмюрге къалыр.
- Джолда аягъынга сакъ бол, ушакъда тилинге сакъ бол.
- Къарт болгъан джерде, берекет болур, сабий болгъан джерде, оюн болур.
- Телиге от эт десенг, юйюнге от салыр.
- Нёгерсизни джолу узун.
- Халкъны юйю – туугъан джери.
- Суугъа – чабакъ, къаягъа – ыргъакъ.
- Кийиминг бла танылма, адамлыкъ бла таныл.
- Билгенни къолу къарны джандырыр.
- Ариу сёзде ауруу джокъ.
- Арбаз сайлама да, хоншу сайла.
- Ашхы болсанг, атынг чыгъар, аман болсанг, джанынг чыгъар.
- Тёзгеннге, джабылгъан эшик ачылыр.
- Ёксюзню къалачы уллу кёрюнюр.
- Азыкъ аз болса, эртде орун сал.
- Къалгъан ишге къар джауар.
- Термилгенинги табмазса, кюлгенинге тюберсе.
- Сормай – алма, чакъырылмай – барма.
- Атлыны ашхысы, ат тизгининден билинир
- Игини сыйлагъан адетди.
- Алма терегинден кери кетмез.
- Кёзю сокъурдан – къоркъма, кёлю сокъурдан – къоркъ.
- Къоркъакъны кёзю экили кёрюр.
- Арпа, будай – ащды, алтын, кюмюш а – ташды.
- Къазанчы аман болса, къазаны къайнамаз.
- Эл элде бирер малынг болгъандан эсе, бирер тенгинг болсун.
- Сибиртки да сыйлы болду, кюрек да кюнлю болду.
- Ишни аллы бла къууанма да, арты бла къууан.
- Кесинг сынамагъан затны, адамгъа буюрма.
- Айранын берсенг, челегин да къызгъанма.
- Чомартха Тейри да борчлуду.
Сценическая речь. Новый сезон.
|
не знаю, есть ли еще места, но спросить можно по ссылке, что дала выше.))
|
||||
|
|
|
|||
Читают тему (гостей: 1)