- Джылкъыдан – ат чыгъар, тукъумдан – джаш чыгъар.
- Тура эдим джата, къайдан чыкъды хата?
- Суугъа – таянма, джаугъа – ийнанма.
- Ана – юйню кюн джарыгъы.
- Эшекни не къадар тюйсенг да, ат болмаз.
- Ишленмеген джаш – джюгенсиз ат, ишленмеген къыз – тузсуз хант.
- Эм ашхы къайын ана мамукъ бла башынгы тешер.
- Джиби бир къат джетмей эди да, эки къат тарта эди.
- Къыз чыгъаргъан – къызыл къымжа.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сибиртки да сыйлы болду, кюрек да кюнлю болду.
- Ишлерге уял да, ашаргъа табма.
- Окъугъан – асыу, окъумагъан – джарсыу.
- Ата джурт – алтын бешик.
- Босагъа таш юйге кирмей эди, тыбыр таш эшикге чыкъмай эди.
- Мен да «сен», дейме, сен да «кесим», дейсе.
- Ёксюзню тилеги къабыл болур.
- Ачылгъан эт джабылыр, кёрген кёз унутмаз.
- Ачыу алгъа келсе, акъыл артха къалады.
- Ашлыкъны арба юйге келтирир, чана базаргъа элтир.
- Ариу сёзде ауруу джокъ.
- Ачыкъ джюрекге джол – ачыкъ.
- Аман къатын сабий табса, бий болур…
- Къазанны башы ачыкъ болса, итге уят керекди.
- Къартха ушагъан джаш – акъыллы, джашха ушагъан къарт – тели.
- Эри аманны, къатыны – аман.
- Илму – джашауну джолу.
- Аш берме да, къаш бер.
- Эл тойса, тоймагъан, эл къойса, къоймагъан.
- Баш – акъыл ючюн, акъылман – халкъ ючюн.
- Аурууну келиую тынч, кетиую – къыйын.
- Намыс болмагъан джерде, насыб болмаз.
- Къошда джокъгъа – юлюш джокъ.
- Ашына кёре табагъы, балына кёре къалагъы.
- Тёрдеги кюлсе, эшикдеги ышарыр.
- Бетинги сатма, малынгы сат.
- Бек анасы джыламаз.
- Таякъ этден ётер, тил сюекден ётер.
- Мал ёлсе, сюек къалыр, адам ёлсе, иши къалыр.
- Алим болгъандан эсе, адам болгъан къыйынды.
- Чакъырылгъанны аты, чакъырылмагъанны багъасы болур.
- Окъ къызбайны джокълайды.
- Бал чибинни ургъаны – ачы, балы – татлы.
- Термилгенинги табмазса, кюлгенинге тюберсе.
- Элиб деген, элге болушур.
- Адамны артындан къара сабан сюрме.
- Къонагъы джокъну – шоху джокъ.
- Танг атмайма десе да, кюн къоярыкъ тюйюлдю.
- Хансыз джомакъ болмаз.
- Ариу – кёзге, акъыл – джюрекге.