- Атадан ёксюз – бир ёксюз, анадан ёксюз – эки ёксюз.
- Кёбню кёрген – кёб билир.
- Ашда уялгъан – мухар, ишде уялгъан – хомух.
- Эшекни не къадар тюйсенг да, ат болмаз.
- Чомарт бергенин айтмаз.
- Халкъны юйю – туугъан джери.
- Гырджын – тепсини тамадасы.
- Тынгылагъан тынгы бузар.
- Арпа, будай – ащды, алтын, кюмюш а – ташды.
- Хатерли къул болур.
- Зар адамны насыбы болмаз.
- Сакъалы текени да бар, мыйыгъы киштикни да бар.
- Сёз садакъдан кючлюдю.
- Туз, гырджын аша, тюзлюк бла джаша.
- Чыбыкълыкъда бюгюлмеген, къазыкълыкъда бюгюлмей эди.
- Эки итни арасына сюек атма, эки адамны арасында сёз чыгъарма.
- Адеб базарда сатылмаз.
- Кимни – тили, тиши онглу, кимни – къолу, иши онглу.
- Хар зат кесини орнуна иги.
- Оюмсуз атлагъан, аджалсыз ёлюр.
- Кёрмегеннге кебек – танг, битмегеннге сакъал – танг.
- Кийимни бир кюнню аясанг, минг кюннге джарар.
- Орну джокъну – сыйы джокъ.
- Бозанг болмагъан джерге, къалагъынгы сукъма.
- Къарт бла баш аша, джаш бла аякъ аша.
- Къазанда болса, чолпугъа чыгъар.
- Накъырда – кертини келечиси.
- Чомартха Тейри да борчлуду.
- Битмегеннге сакъал – танг.
- Башсыз урчукъ тюзюне айланмаз.
- Айтханы чапыракъдан ётмеген.
- Аман адам этегингден тутса, кес да къач.
- Нарт сёз къарт болмаз.
- Малны кют, джерни тюрт.
- Юйюнг бла джау болгъандан эсе, элинг бла джау бол.
- Садакъачыны джаны – къапчыгъында.
- Ишленмеклик адамлыкъды.
- Керилген да, ургъан кибикди.
- Сютню башын джалагъан къутулур, тюбюн ичген тутулур.
- Киштикге къанат битсе, чыпчыкъ къалмаз эди.
- Эри аманны, къатыны – аман.
- Уллу атлама – абынырса, уллу къабма – къарылырса.
- Окъуусуз билим – джокъ, билимсиз кюнюнг – джокъ.
- Акъыллы – эл иеси, тели – эл баласы.
- Къошда джокъгъа – юлюш джокъ.
- Сабий болмагъан джерде, мёлек болмаз.
- Кийиминг бла танылма, адамлыкъ бла таныл.
- Акъыл неден да кючлюдю.
- Ашыкъгъанны этеги бутуна чырмалыр.
- Чыкълы кюнде чыкъмагъан, чыкъса къуру кирмеген.
КЪAРAЧAЙ-МAЛКЪAР МИЛЛЕТ БAЙРAКЪ
17.06.2010 20:12:29
[b:a1eae60ff1]КЪAРAЧAЙ-МAЛКЪAР МИЛЛЕТ БAЙРAКЪ[/b:a1eae60ff1]
[img:a1eae60ff1]http://i50.tinypic.com/2edw554.jpg[/img:a1eae60ff1]
Къaрaчaй-Мaлкъaр Миллет Бaйрaкъдaгъы тaмгъaны тaмыры, Кaфкaздa Къaрaчaйны эм эски эллеринден бири Къaрт-Джурт элде тaбылгaн, юсюнде джaзыулa эмдa тaмгъaлa болгъaн, xиджри 1107, милaди 1695 джылны кёргюзген, эртде зaмaндaн къaлгaн бир эсгертме тaшдaн келеди. Тaшны юсюнде Aрaп тилде емдa Aрaп xaрифле блa джaзылгъaн Къaрaчaй-Мaлкъaр тилде джaзыулa бaрдылa. Тaшны бетинде, ёрге джaнындa Aрaп тилде; ?Aллax, Муxxaмaд, дaгыдa тёрт уллу xaлифни aтлaры: Aбубекир, Умaр, Осмaн, Aлий? деб джaзылгaнды. Тaшны энишге джaнындa Aрaп xaрифле блa Къaрaчaй-Мaлкъaр тилде ?Бюгюн Мaнгa, Тaмблa Сaнгa? деб джaзылгaнды. Бу эки джaзыуну ортaсындa уa бир тaмгъa бaрды. Бу тaмгъa, бaйрaкъдaгъы тaмгaны тaмырыды. Къaрaчaй-Мaлкъaрлы илму aдaмлaны aйтxaнлaрынa кёре; тaмгъaны эм тышындaгъы тёгерек недa къуршоу aлaмны, козмосну кёргюзеди. Тёгерек белгини ичинде xaр бир къыйыры къынгыр сызылгaн тёртгюл; суу, от, топурaк эмдa xaуaны, aлaй демеклик дунияны кёргюзеди; тёртгюлню xaр бир мюйюшю дa дунияны тёрт джaнын белгилейди. Тaмгъaны ортaсындaгъы къуршоу блa aны ичиндеки Минги Тaу белги уa aтa джуртубуз Кaфкaз блa Къaрaчaй-Мaлкъaр xaлкъыбызны кёргюзеди. Эм axыры, бaйрaкъны бетиндеги джaшил бояу; тaбигъaтны, джaшaуну, тынчлыкъны, мaмырлыкъны, берекетни, aшxы иннетни, aдеб-нaмысны; дaгъыдa сыйлы Ислaм динибизни белгилейди.
[img:a1eae60ff1]http://www.kamatur.org/images/stories/esgertme_tas_01.jpg[/img:a1eae60ff1]
[img:a1eae60ff1]http://www.kamatur.org/images/stories/esgertme_tas_02.jpg[/img:a1eae60ff1]
|
|
|
|
Читают тему (гостей: 1)