Тенги кёбню джау алмаз, акъылы кёбню дау алмаз.
Бал чибинни ургъаны – ачы, балы – татлы.
Джол бла сёзню къыйыры джокъ.
Эркишиге тары кебек танг кёрюнюр.
Рысхысына кёре, джаш ёсер, къышлыгъына кёре, мал ёсер.
Суу ичген шауданынга тюкюрме.
Сабийликде юретмесенг, уллу болса – тюзелмез.
Алма терегинден кери кетмез.
Билими азны – ауузунда кирит.
Билимсиз иш бармаз.
Айтханы чапыракъдан ётмеген.
Аз айтсам, кёб ангылагъыз.
Чакъырылмагъан къонакъ тёрге атламаз.
Ана къойну – балагъа джандет.
Джаралыны джастыгъында сау ёлюр.
Адамны джюреги нени кёрюрге сюйсе, кёзю да аны кёрюрге ёч болады.
Тау башында, тау болмаз, джангыз терек, бау болмаз.
Уллу атлама – абынырса, уллу къабма – къарылырса.
Ата джурт – алтын бешик.
Джарашыу сюйген – джалынчакъ.
Таугъа чыгъаллыкъ эсенг, тюзде къалма.
Билим насыб берир, билим джолну керир.
Тёрде – темир таякълы, къаяда – чыпчыкъ аякълы.
Бек ашыкъгъан меннге джетсин, дегенди аракъы.
Тёрени джагъы джокъ.
Чоюнну башы ачыкъ болса, итге уят керекди.
Телиге акъыл салгъандан эсе, ёлгеннге джан салырса.
Кёб къычыргъандан – къоркъма, тынч олтургъандан – къоркъ.
Намысы болмагъанны, сыйы болмаз.
Эл ауузу – элия.
Ёгюзню мюйюзюнден тутадыла, адамны сёзюнден тутадыла.
Харам къарнашдан, халал тенг ашхы.
Джарлы джети элни сёзюн этер.
Таукел адам тау тешер.
Хар ишни да аллы къыйынды.
Окъугъан – асыу, окъумагъан – джарсыу.
Бёрю да ач къалмасын, эчки да ашалмасын.
Керилген да, ургъан кибикди.
Аш кетер да бет къалыр.
Ёлмесенг да, къарт дамы болмазса?
Этим кетсе да, сюегим къалыр.
Сормай – алма, чакъырылмай – барма.
Сютню башын джалагъан къутулур, тюбюн ичген тутулур.
Къазанчы аман болса, къазаны къайнамаз.
Дуния аламаты сен эсенг да, игиме деб айтма.
Таула не мийик болсала да, аууш табылыр.
Дууулдаса – бал чибин, къонса – къара чибин.
Аман къатын алгъан, арыр, иги къатын алгъан джарыр.
Къызбайны юйюне дери сюрсенг, батыр болур.
Кюн – узун, ёмюр – къысха.
