Иги джашны ышаны – аз сёлешиб, кёб тынгылар.
Суу кетер, таш къалыр.
Аман хансны – урлугъу кёб.
Аманнга да, игиге да оноусуз къатышма.
Ауругъанны сау билмез, ач къарынны токъ билмез.
Иги – алгъыш этер, аман – къаргъыш этер.
Эри аманны, къатыны – аман.
Тойгъа алгъа да барма, тойда артха да къалма.
Зар адам ашынгы ашар, кесинги сатар.
Къарнынг къанлынга кийирир.
Атлыны кёрсе, джаяуну буту талыр.
Къобан да къуру да къобханлай турмайды, адам да къуру да патчахлай турмайды.
Уллу сёзде уят джокъ.
Кёзю сокъурдан – къоркъма, кёлю сокъурдан – къоркъ.
Аджашхан тёгерек айланыр.
Адамны джюреги нени кёрюрге сюйсе, кёзю да аны кёрюрге ёч болады.
Сёз къанатсыз учар.
Къонакъ аз олтурур, кёб сынар.
Ашлыкъ – бюртюкден, джюн – тюкден.
Тил – кесген бычакъ, сёз – атылгъан окъ.
Чыбыкълыкъда бюгюлмеген, къазыкълыкъда бюгюлмей эди.
Ётюрюк хапар аякъ тюбю бла джюрюйдю.
Харам къарнашдан, халал тенг ашхы.
Чакъырылмагъан къонакъ къачан кетерин сормаз.
Билим насыб берир, билим джолну керир.
Айран ичген – къутулду, джугъусун джалагъан – тутулду.
Бет бетге къараса, бет да джерге къарар.
Къоркъакъны кёзю экили кёрюр.
Тойну къарнашы – харс, джырны къарнашы – эжиу.
Чомартха Тейри да борчлуду.
Къазанны башы ачыкъ болса, итге уят керекди.
Билген билмегенни юретген адетди.
Ёгюзню мюйюзюнден тутадыла, адамны сёзюнден тутадыла.
Адам сёзге тынгыла, акъыл сёзню ангыла.
Къошда джокъгъа – юлюш джокъ.
Эл элде бирер малынг болгъандан эсе, бирер тенгинг болсун.
Кёлсюзден сёзсюз тууар.
Кийиминг бла танылма, адамлыкъ бла таныл.
Кеси юйюмде мен да ханма.
Телиге от эт десенг, юйюнге от салыр.
Сёз – кюмюш, джыр – алтын.
Ашхы атаны – джашы ашхы, ашхы ананы – къызы ашхы.
Чакъырылмагъан къонакъ – орунсуз.
Эл ауузу – элия.
Бозаны арты дауур болур.
Тынгылагъан тынгы бузар.
Иги сеники эсе да, сюйген кесимикин этеме.
Джылкъыдан – ат чыгъар, тукъумдан – джаш чыгъар.
Ашхы – джыяр, аман – джояр.
Мал ёлсе, сюек къалыр, адам ёлсе, иши къалыр.
