- Эллинг бла джау болсанг да, юйюнг бла джау болма.
- Тёгюлген тюгел джыйылмайды.
- Джылыгъа джылан илешир.
- Джан саулукъ бермей, сан саулукъ бермезсе.
- Танг атмайма десе да, кюн къоярыкъ тюйюлдю.
- Къатын байлыкъны сюер, эр саулукъну сюер.
- Ойнай билмеген, уруб къачар.
- Джеринден айырылгъан – джети джылар, джуртундан айырылгъан – ёлгюнчю джылар.
- Башланнган иш битер, къымылдагъан тиш тюшер.
- Мал ёлсе, сюек къалыр, адам ёлсе, иши къалыр.
- Рысхы – сют юсюнде кёмюк кибикди.
- Гырджын – тепсини тамадасы.
- Адеб базарда сатылмаз.
- Чакъырылгъанны аты, чакъырылмагъанны багъасы болур.
- Ач келгенни – тойдур, кеч келгенни – къондур.
- Термилгенинги табмазса, кюлгенинге тюберсе.
- Чакъырылмагъан къонакъ тёрге атламаз.
- Ётюрюкден тюбю джокъ, кёлтюрюрге джиби джокъ.
- Ата Джуртуму башы болмасам да, босагъасында ташы болайым.
- Джумушакъ сёз къаты таякъны сындырыр.
- Ариу сёз – джаннга азыкъ, аман сёз – башха къазыкъ.
- Игиге айтсанг – билир, аманнга айтсанг – кюлюр.
- Алим болгъандан эсе, адам болгъан къыйынды.
- Чомартны къолун джокълукъ байлар.
- Аман къатын сабий табса, бий болур…
- Тойгъан джерге джети къайт.
- Джарлы джети элни сёзюн этер.
- Тойгъанлыкъ къойгъа джарашады.
- Уясында не кёрсе, учханында аны этер.
- Ашлыкъны арба юйге келтирир, чана базаргъа элтир.
- Чакъырылмай келген къонакъ сыйланмай кетер.
- Берекет берсин деген джерде, берекет болур.
- Акъыллы – эл иеси, тели – эл баласы.
- Джарлы тюеге минсе да, ит къабар.
- Ётюрюкню къуйругъу – бир тутум.
- Джумушакъ терекни къурт ашар.
- Эли джокъну – кёлю джокъ.
- Тешик этген тынчды, аны джамагъан къыйынды.
- Харам къарнашдан, халал тенг ашхы.
- Тилде сюек болмаса да, сюек сындырыр.
- Къуллукъчума, деб махтанма, къуллукъ – хаух джамчыды!
- Эринчекни аурууу – кёб.
- Адамны аты башхача, акъылы да башхады.
- Аджалсыз ёлюм болмаз.
- Тыш элде солтан болгъандан эсе, кесинги элде олтан болгъан игиди!
- Таукел тауну аудурур.
- Бал – татлы, балдан да бала – татлы.
- Кимни – тили, тиши онглу, кимни – къолу, иши онглу.
- Ашхы адам – халкъ байлыгъы, ашхы джер – джашау байлыгъы.
- Акъыл аздырмаз, билим тоздурмаз.
Честь народа
Читают тему (гостей: 1)