- Аджал соруб келмез, келсе, къайтыб кетмез.
- Ишлегенден, къарагъан уста.
- Тулпарлыкъ, билекден тюл – джюрекден.
- Айран тёгюлсе, джугъусу къалыр.
- Къанны къан бла джуума, аманны аман бла къуума.
- Джашынгы кесинг юретмесенг, джашау юретир.
- Байлыкъ адамны сокъур этер.
- Акъылсызны джууукъгъа алма, акъыллыны кенгнге салма.
- Игилик игилик бла сингдирилиучю затды.
- Билмегенинги, билгеннге сор.
- Башынга джетмегенни сорма.
- Адеб базарда сатылмаз.
- Къартны сыйын кёрмеген, къартлыгъында сыйлы болмаз.
- Кесинге джетмегенни, кёб сёлешме.
- Ашлыкъны арба юйге келтирир, чана базаргъа элтир.
- Къуллукъчума, деб махтанма, къуллукъ – хаух джамчыды!
- Тойгъан антын унутур.
- Адебсиз адам – джюгенсиз ат.
- Джашны джигитлиги сорулур, къызны джигерлиги сорулур.
- Ауругъан – джашаудан умутчу.
- Билмезни кёзю кёрмез, этмезни къулагъы эшитмез.
- Сютню башын джалагъан къутулур, тюбюн ичген тутулур.
- Ишин билген, аны сыйын чыгъарады.
- Эл элде бирер малынг болгъандан эсе, бирер тенгинг болсун.
- Чакъырылгъанны аты, чакъырылмагъанны багъасы болур.
- Тенгинг джокъ эсе – изле, бар эсе – сакъла!
- Юреннген ауруу къалмаз.
- Кёб ант этген, кёб ётюрюк айтыр.
- Артына баргъанны, къатына барма.
- Къонакъ хазыр болгъанлыкъгъа, къонакъбай хазыр тюлдю.
- Джашлыкъ этмеген, башлыкъ этмез.
- Айтхан сёзюне табылгъан.
- Зар адам ашынгы ашар, кесинги сатар.
- Бек ашыкъгъан меннге джетсин, дегенди аракъы.
- Къонакъ кёб келюучю юйню, къазаны отдан тюшмез.
- Суу да къайтады чыкъгъан джерине.
- Ёлген ийнек сютлю болур.
- Этни бети бла шорпасы.
- Ашаса, ашамаса да, бёрюню ауузу – къан.
- Халкъны джырын джырласанг, халкъ санга эжиу этер.
- Аууз сакълагъан – джан сакълар.
- Къонакъны къачан кетерин сорма, къачан келлигин сор.
- Чомарт джарлы болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Этни да ашады, бетни да ашады.
- Къайгъы тюбю – тенгиз.
- Эри аманны, къатыны – аман.
- Телиге акъыл салгъандан эсе, ёлгеннге джан салырса.
- Сагъышы джокъ – джукъучу, акъылы джокъ – къаугъачы.
- Кёбден умут этиб, аздан къуру къалма.
Болгары - аборигены Кавказа?
Читают тему (гостей: 1)