- Эр абынмай, эл танымаз.
- Ариу сёз – къылычдан джити.
- Ашда уялгъан – мухар, ишде уялгъан – хомух.
- Чомартны къолун джокълукъ байлар.
- Къанны къан бла джуума, аманны аман бла къуума.
- Юреннген ауруу къалмаз.
- Ханнга да келеди хариблик.
- Джаз бир кюнню джатсанг, къыш талай кюнню абынырса.
- Сескекли кесин билдирир.
- Аджалсыз ёлюм болмаз.
- Къаллай салам берсенг, аллай джууаб алырса.
- Джарлыны эшигин махтагъан джабар.
- Къоркъакъны кёзю экили кёрюр.
- Бек анасы джыламаз.
- Сабий кёргенин унутмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Татлы тилде – сёз ариу, чемер къолда – иш ариу.
- Бир абыннган – минг сюрюнюр.
- Байма, деб да, къууанма, джарлыма, деб да, джылама.
- Телини эшигин, махтау джабар.
- Аджаллыгъа окъсуз шкок атылыр.
- Тойгъан джерге джети къайт.
- Къуллукъчума, деб махтанма, къуллукъ – хаух джамчыды!
- Хар адамгъа кеси миннген тау кибик.
- Бетинги сатма, малынгы сат.
- Ёксюзню тилеги къабыл болур.
- Адеб этмеген, адеб кёрмез.
- Тыш элде солтан болгъандан эсе, кесинги элде олтан болгъан игиди!
- Эртде тургъан бла эртде юйленнген сокъуранмаз.
- Джигер – джаннга къыйынлыкъ.
- Тил джюрекге джол ишлейди.
- Тешик этген тынчды, аны джамагъан къыйынды.
- Кёзюнде тереги болгъан, чёбю болгъаннга кюле эди.
- Атлыны ашхысы, ат тизгининден билинир
- Тёрдеги кюлсе, эшикдеги ышарыр.
- Мухардан ач ычхынмаз.
- Аджал соруб келмез, келсе, къайтыб кетмез.
- Суу да къайтады чыкъгъан джерине.
- Аурууну келиую тынч, кетиую – къыйын.
- Ач келгенни – тойдур, кеч келгенни – къондур.
- Ашхы болсанг, атынг чыгъар, аман болсанг, джанынг чыгъар.
- Агъач – джерни чырайы, кийим – эрни чырайы.
- Ашхы тенг джолгъа салыр, аман тенг джолдан тайдырыр.
- Халкъгъа джарагъан, джарлы къалмаз.
- Аманны эки битли тону болур, бирин сеннге кийдирир, бирин кеси киер.
- Джылыгъа джылан илешир.
- Айырылмаз джууугъунга, унутмаз сёзню айтма.
- Тамбла алтындан бюгюн багъыр ашхы.
- Игини сыйлагъан адетди.
- Ашлыкъ – бюртюкден, джюн – тюкден.
Ссылки по этой теме
|
|
|
|
|
|
|
Саубол, пригодилось)))) :smt006
|
|
|
|
|
|
добавлю сюда ссылку, которую нашла сегодня...
|
|
|
|
|
|
www.karachays.borda.ru здесь верная информация по Аланам и нашей истории в целом.
|
|
|
|
|
Читают тему (гостей: 1)