- Тик ёргени, тик энгишгеси да болады.
- Босагъа таш юйге кирмей эди, тыбыр таш эшикге чыкъмай эди.
- Аууз сакълагъан – джан сакълар.
- Гырджын – тепсини тамадасы.
- Къолунгдан къуймакъ ашатсанг да, атаны борчундан къутулмазса.
- Бети къызарыучу адамны, джюреги харам болмаз.
- Таукелге нюр джауар.
- Насыблы элин сюер, насыбсыз кесин сюер.
- Чомартха Тейри да борчлуду.
- Тюзлюк шохлукъну бегитир.
- Эл тойса, тоймагъан, эл къойса, къоймагъан.
- Татлы тилде – сёз ариу, чемер къолда – иш ариу.
- Чыкълы кюнде чыкъмагъан, чыкъса къуру кирмеген.
- Кёзюнде тереги болгъан, чёбю болгъаннга кюле эди.
- Эркишиге тары кебек танг кёрюнюр.
- Ариу сёз аурууунгу алыр.
- Билгенни къолу къарны джандырыр.
- Ачылгъан эт джабылыр, кёрген кёз унутмаз.
- Дженгил джетерикме деб, узун джолну къоюб, къысхасын барма.
- Намыс сатылыб алынмайды.
- Къызбайны юйюне дери сюрсенг, батыр болур.
- Эшекге миннген – биринчи айыб, андан джыгъылгъан – экинчи айыб.
- Къарнынг къанлынга кийирир.
- Алма терегинден кери кетмез.
- Иги джашны ышаны – аз сёлешиб, кёб тынгылар.
- Аджашханны ызындагъы кёреди, джангылгъанны джанындагъы биледи.
- Акъыл бла адеб эгизледиле.
- Сагъыш – къартлыкъгъа сюйюмчю.
- Билимсиз иш бармаз.
- Джукъу тёшек сайламайды.
- Иги – алгъыш этер, аман – къаргъыш этер.
- Уллу суу бла уллу ауруудан башынгы сакъла.
- Абынмазлыкъ аякъ джокъ, джангылмазлыкъ джаякъ джокъ.
- Атлыны ашхысы, ат тизгининден билинир
- Юй ишлеген балта эшикде къалыр.
- Къонакъны къачан кетерин сорма, къачан келлигин сор.
- Суу кетер, таш къалыр.
- Кенгеш болса, уруш болмаз.
- Ишлемеген – тишлемез.
- Хатерли къул болур.
- Ашхы тенг джолгъа салыр, аман тенг джолдан тайдырыр.
- Чалманны аллы къалай башланса, арты да алай барады.
- Этек чакъмакълары баш джаргъан, сёлешген сёзлери таш джаргъан.
- Огъурлуну сёзю – суу, огъурсузну сёзю – уу.
- Тюзлюк тас болмайды.
- Орну джокъну – сыйы джокъ.
- Айранын берсенг, челегин да къызгъанма.
- Экеулен сёлеше тура эселе, орталарына барыб кирме.
- Эм уллу байлыкъ – джан саулукъ.
- Ата джурт – алтын бешик.
Ссылки по этой теме
|
|
|
|
|
|
|
Саубол, пригодилось)))) :smt006
|
|
|
|
|
|
добавлю сюда ссылку, которую нашла сегодня...
|
|
|
|
|
|
www.karachays.borda.ru здесь верная информация по Аланам и нашей истории в целом.
|
|
|
|
|
Читают тему (гостей: 1)