- Окъ къызбайны джокълайды.
- Окъугъан озар, окъумагъан тозар.
- Чабакъ башындан чирийди.
- Бозанг болмагъан джерге, къалагъынгы сукъма.
- Байдан умут эте, джарлыдан ёгюз багъасы къорады.
- Кёз – сюйген джерде, къол – ауругъан джерде.
- Таукел адам тау тешер.
- Ат да турмайды бир териде.
- Кёзю сокъурдан – къоркъма, кёлю сокъурдан – къоркъ.
- Джарлыны тону джаз битер.
- От кюйдюрген, сау болса да, тот кюйдюрген, сау болмаз.
- Къолунгдан къуймакъ ашатсанг да, атаны борчундан къутулмазса.
- Билимден уллу байлыкъ джокъду.
- Аманнга да, игиге да оноусуз къатышма.
- Къызгъанчдан ычхыныр, мухардан ычхынмаз.
- Къонакъ аз олтурур, кёб сынар.
- Айранын берсенг, челегин да къызгъанма.
- Къазанда болса, чолпугъа чыгъар.
- Джашда акъыл джокъ, къартда къарыу джокъ.
- Ёлген ийнек сютлю болур.
- Сакъалы текени да бар, мыйыгъы киштикни да бар.
- Юйлю уругъа ит чабмаз.
- Ауругъан – джашаудан умутчу.
- Уллу атлама – абынырса, уллу къабма – къарылырса.
- Окъугъан – асыу, окъумагъан – джарсыу.
- Билмезни кёзю кёрмез, этмезни къулагъы эшитмез.
- Чарсда алчыны эл кёреди.
- Тюзню ётмеги тюзде къалса да, тас болмаз.
- Кёл ашады да, кеси ашады.
- Кёзню ачылгъаны – иги, ауузну джабылгъаны – иги.
- Абынмазлыкъ аякъ джокъ, джангылмазлыкъ джаякъ джокъ.
- Ашын ашагъанынгы, башын да сыйла.
- Ким бла джюрюсенг, аны кёзю бла кёрюнюрсе.
- Къонагъы джокъну – шоху джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Накъырданы арты керти болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Мураты болгъанны джюрек тебюую башхады.
- Тюз сёз баргъан сууну тыяр.
- Алма терегинден кери кетмез.
- Тойну къарнашы – харс, джырны къарнашы – эжиу.
- Къарнынг къанлынга кийирир.
- Джуртун къоругъан озар.
- Тил – миллетни джаны.
- Алтыда кюлмеген, алтмышда кюлмез.
- Айран ичген – къутулду, джугъусун джалагъан – тутулду.
- Джауумдан сора, кюн кюйдюрюр, ётюрюкден сора, айыб кюйдюрюр.
- Рысхы – насыбха къор.
- Адамны джюреги нени кёрюрге сюйсе, кёзю да аны кёрюрге ёч болады.
- Аман адамны тепсинге олтуртсанг, къызынгы тилер.
Демография карачаево-балкарского этноса!
30.05.2005 17:30:54
gumabar
2003-09-11 17:23:49 Блин, как все сложно. А я вот думал, что все это на легке делается. Спасибо, что проинформировал(а). Кто якуты, тюрки или еще кто-то там мне все равно, если что...., я вроде не писал что те кого я имел ввиду родня якутам, ну да ладно
![]() ![]() |
|
|
|
Читают тему (гостей: 1)