- Ачылгъан эт джабылыр, кёрген кёз унутмаз.
- Бал ашаргъа сюе эсенг, чибин ургъаннга тёз.
- Аманны тукъумуна къарама, игини тукъумун сорма.
- Юре билмеген ит, къонакъ келтирир.
- Къыз келсе, джумуш эте келеди, къатын келсе, ушакъ эте келеди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тойгъа барсанг, тоюб бар, эски тонунгу къоюб бар.
- Кимни – тили, тиши онглу, кимни – къолу, иши онглу.
- Акъыл къартда, джашда тюйюлдю – башдады.
- Къарт болгъан джерде, берекет болур, сабий болгъан джерде, оюн болур.
- Адамны бетине къарама, адетине къара.
- Тюзню ётмеги тюзде къалса да, тас болмаз.
- Адамны сабийин сюйген джюреги, бычакъча, джитиди.
- Тил джюрекге джол ишлейди.
- Адамны артындан къара сабан сюрме.
- Бал чибинни ургъаны – ачы, балы – татлы.
- Экиндини кеч къылсанг, чабыб джетер ашхам.
- Ишни аллы бла къууанма да, арты бла къууан.
- Ауругъан – джашаудан умутчу.
- Аманнга да, игиге да оноусуз къатышма.
- Аш иеси бла татлыды.
- Къоркъакъны кёзю экили кёрюр.
- Джукъу тёшек сайламайды.
- Сёлеш деб шай берген, тохта деб, сом берген.
- Джыланны къуйругъундан басарынг келсе, аны башы болгъанын унутма.
- Айтхан – тынч, этген – къыйын.
- Чалманны аллы къалай башланса, арты да алай барады.
- Сёз къанатсыз учар.
- Нёгер болсанг, тенг бол, тенг болмасанг, кенг бол.
- Хоншуну тауугъу къаз кёрюнюр, келини къыз кёрюнюр.
- Къарыусузгъа кюлме, онгсузгъа тийме.
- Тойгъан антын унутур.
- Окъдан джара эртде-кеч болса да бителир, сёз джара, ёмюрге къалыр.
- Аман хансны – урлугъу кёб.
- Эллинг бла джау болсанг да, юйюнг бла джау болма.
- Дуния аламаты сен эсенг да, игиме деб айтма.
- «Ёгюз, джаргъа джууукъ барма, меннге джюк боллукъса», - дегенди эшек.
- Айран тёгюлсе, джугъусу къалыр.
- Къонагъы джокъну – шоху джокъ.
- Билим насыб берир, билим джолну керир.
- Тёрени джагъы джокъ.
- Сакъалы текени да бар, мыйыгъы киштикни да бар.
- Кюн кёрмеген, кюн кёрсе, кюндюз чыракъ джандырыр.
- Ёмюрлюк шохлукъну джел элтмез.
- Айныгъанлы алты кюн, тогъайгъанлы тогъуз кюн.
- Ёлген аслан – сау чычхан.
- Сёз сёзню айтдырыр.
- Кёбню кёрген – кёб билир.
- Иги адам абынса да, джангылмаз.
- Акъыллы – эл иеси, тели – эл баласы.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)