- Тау башында, тау болмаз, джангыз терек, бау болмаз.
- Абынмазлыкъ аякъ джокъ, джангылмазлыкъ джаякъ джокъ.
- Аманны эки битли тону болур, бирин сеннге кийдирир, бирин кеси киер.
- Аджалсыз ёлюм болмаз.
- Къарнынг тойгъунчу аша да, белинг талгъынчы ишле.
- Босагъагъа джууукъ орун болса, ашыгъыб тёрге озма.
- Къызбайны юйюне дери сюрсенг, батыр болур.
- Юйлю уругъа ит чабмаз.
- Ачылгъан эт джабылыр, кёрген кёз унутмаз.
- Кюн – узун, ёмюр – къысха.
- Адамны сабийин сюйген джюреги, бычакъча, джитиди.
- Хата – гитчеден.
- Элни кючю – эмеген.
- Билген билмегенни юретген адетди.
- Бичгенде ашыкъма, тикгенде ашыкъ.
- Рысхы – сют юсюнде кёмюк кибикди.
- Къыйынлы джети элге оноу этер.
- Халкъны джырын джырласанг, халкъ санга эжиу этер.
- Тёзген – тёш ашар!
- Гырджын – тепсини тамадасы.
- Ауузу аманнга «иги», деме.
- Окъуу – билимни ачхычы, окъуу – дунияны бачхычы.
- Аууз сакълагъан – джан сакълар.
- Ашхы адам – халкъ байлыгъы, ашхы джер – джашау байлыгъы.
- Къыз чыгъаргъан – къызыл къымжа.
- Кесинг сынамагъан затны, адамгъа буюрма.
- «Ёгюз, джаргъа джууукъ барма, меннге джюк боллукъса», - дегенди эшек.
- Игиге айтсанг – билир, аманнга айтсанг – кюлюр.
- Адам сёзге тынгыла, акъыл сёзню ангыла.
- Джюрек кёзден алгъа кёрюр.
- Бал ашаргъа сюе эсенг, чибин ургъаннга тёз.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёл ашады да, кеси ашады.
- Эринчекни аурууу – кёб.
- Кесине оноу эте билмеген, халкъына да эте билмез.
- Джарлы джети элни сёзюн этер.
- Дуния мал дунияда къалады.
- Суу кетер, таш къалыр.
- Кюлме джашха – келир башха.
- Чёбню кёлтюрсенг, тюбюнден сёз чыгъар.
- Чомартны къолу берекет.
- Тёрени джагъы джокъ.
- Кимни – тили, тиши онглу, кимни – къолу, иши онглу.
- Тойчу джашха къарама, къойчу джашха къара.
- Джашны джигитлиги сорулур, къызны джигерлиги сорулур.
- Башда акъыл болмаса, эки аякъгъа кюч джетер.
- Ёгюзню мюйюзюнден тутадыла, адамны сёзюнден тутадыла.
- Ана – юйню кюн джарыгъы.
- Тойгъандан сора, ашны сёкме.
- Акъыллы башны – тили къысха.
КНИГА: "ПОЛОЖЕНИЕ ОТМЕЧАНИЯ МАВЛИДА (дня рождения Пророка)
Читают тему (гостей: 1)